[X] Close >

விவசாயிகள் கொந்தளிப்பால் 1,500 ஜியோ டவர்கள் சேதம்: பஞ்சாப் மாநில அரசு எச்சரிக்கை

1500-Mobile-Towers-Damaged-In-Punjab-Amid-Farmers-Anger-Against-Jio-Amarinder-Singh-Issues-Warning

தொலைத்தொடா்பு கோபுரங்களை குறிவைத்து தாக்குதல் நடத்துபவர்களுக்கு எதிராக கடுமையான நடவடிக்கை எடுக்குமாறு காவல் துறையினருக்கு பஞ்சாப் முதல்வர் அமரீந்தர் சிங் உத்தரவிட்டுள்ளார்.


Advertisement

புதிய வேளாண் சட்டங்களுக்கு எதிர்ப்பு தெரிவித்து பஞ்சாப், ஹரியானா உளிட்ட விவசாயிகள் டெல்லி எல்லையில் கடந்த ஒரு மாதத்துக்கு மேலாக போராட்டத்தில் ஈடுபட்டு வருகின்றனா். இந்தச் சட்டங்கள் மூலம் அம்பானி, அதானி போன்ற பெரும் தொழிலதிபா்கள் வேளாண் துறையை கைப்பற்றுவதற்கு வழி வகுக்கப்பட்டுள்ளது என்ற குற்றச்சாட்டு முன்வைக்கப்பட்டுள்ளது. இதனால், பெருநிறுவனங்களுக்கு சொந்தமான சொத்துகள், பஞ்சாபில் போராட்டத்தில் ஈடுபட்டுள்ள விவசாயிகளால் தாக்குதலுக்கு இலக்காகி வருகின்றன.

image


Advertisement

முக்கியமாக ரிலையன்ஸ் ஜியோ நிறுவனத்தின் தொலைத்தொடா்பு கோபுரங்கள் அதிக அளவில் சேதப்படுத்தப்படுகின்றன. இதுவரை 1,561 செல்போன் கோபுரங்கள் சேதப்படுத்தப்பட்டு இருக்கின்றன. இதுபோன்ற தாக்குதல்களில் ஈடுபடக் கூடாது என பஞ்சாப் முதல்வா் அமரீந்தா் சிங் எச்சரிக்கை விடுத்துள்ளார். ஆனாலும், நேற்று மட்டும் மாநிலத்தின் பல்வேறு பகுதிகளில் 176-க்கும் மேற்பட்ட ஜியோ செல்போன் டவர்கள் அடித்து நொறுக்கப்பட்டுள்ளன. இதனைத் தடுக்க முயன்ற அந்நிறுவன ஊழியா்களும் தாக்கப்பட்டதாக புகார்கள் அளிக்கப்பட்டுள்ளன.

இதனால் தனியார் செல்போன் நிறுவனங்களுக்கு பெருமளவில் பொருட்சேதம் ஏற்பட்டு உள்ளது. மேலும், மாநிலத்தில் ஜியோ போன்ற செல்போன் சேவைகளும் பெருமளவில் பாதிக்கப்பட்டுள்ளன.

இதனையடுத்து, செல்போன் டவர்களை சேதப்படுத்தியவர்கள் மீது கடுமையான நடவடிக்கை எடுக்குமாறு காவல்துறைக்கு  முதல்வர் அமரீந்தா் சிங் உத்தரவிட்டுள்ளார்.


Advertisement
Advertisement:

Advertisement

Advertisement

Advertisement
[X] Close