விஜய்யின் ‘மாஸ்டர்‘க்கு தணிக்கையில் U/A; பொங்கலுக்கு ரிலீஸ்: படக்குழு தகவல்

விஜய் நடிப்பில் உருவாகியுள்ள மாஸ்டர் திரைப்படம் பொங்கலுக்கு ரிலீஸ் ஆகும் என படக்குழு தகவல் தெரிவித்துள்ளது.

லோகேஷ் கனகராஜ் இயக்கத்தில் விஜய் மற்றும் விஜய்சேதுபதி நடிப்பில் உருவாகியுள்ள திரைப்படம் ‘மாஸ்டர்’. இப்படத்தின் டீசர் வெளியாகி ரசிர்கள் மத்தியில் நல்ல வரவேற்பை பெற்றது. 

இதனிடையே கொரோனா தொற்று காரணமாக கடந்த 8 மாதங்களாக தியேட்டர்கள் மூடப்பட்டிருந்ததால் படம் வெளியாவதில் தாமதம் ஏற்பட்டது. தீபாவளிக்காவது மாஸ்டர் திரைப்படம் வெளியாகும் என எதிர்ப்பார்க்கப்பட்ட நிலையில் அதுவும் தள்ளிப்போனது.

And it's here! ?

U/A certification for namma #Master.

See you soon ? #MasterUAcertified pic.twitter.com/RLH81FnFVt

— XB Film Creators (@XBFilmCreators) December 24, 2020

இந்நிலையில் வருகிற 13-ஆம் தேதி பொங்கலுக்கு மாஸ்டர் திரைப்படம் வெளியாகும் என படக்குழு தகவல் தெரிவித்துள்ளது. மேலும் தணிக்கையில் இப்படத்திற்கு யு/ஏ சான்றிதழ் வழங்கப்பட்டுள்ளதாக தயாரிப்பு நிறுவனம் கூறியுள்ளது.