[X] Close >

தடையை மீறி போராடியதாக மு.க.ஸ்டாலின் உள்பட 1600 பேர் மீது வழக்குப்பதிவு

Case-filed-on-1600-people-including-MK-Stalin-who-involved-in-protest-without-permission

சென்னை வள்ளுவர் கோட்டத்தில் தடையை மீறி உண்ணாவிரதப் போராட்டம் நடத்தியதாக திமுக தலைவர் மு.க.ஸ்டாலின் உள்ளிட்ட 1600 பேர் மீது வழக்குப் பதிவு செய்யப்பட்டுள்ளது.


Advertisement

புதிய வேளாண் சட்டங்களை திரும்ப பெற வலியுறுத்தி டெல்லியில் போராட்டத்தில் ஈடுபட்டு வரும் விவசாயிகளுக்கு ஆதரவு தெரிவித்து திமுக மற்றும் அதன் கூட்டணி கட்சிகள் தரப்பில் சென்னை வள்ளுவர் கோட்டத்தில் இன்று உண்ணாவிரதப் போராட்டம் நடைபெற்றது. இதில் திமுக தலைவர் ஸ்டாலின், கனிமொழி எம்.பி, மதிமுக பொதுச் செயலாளர் வைகோ, காங்கிரஸ் எம்.பி திருநாவுக்கரசர் மார்க்சிஸ்ட் கம்யூனிஸ்ட் கட்சி மாநில செயலார் கே.பாலகிருஷ்ணன், இந்திய கம்யூனிஸ்ட் கட்சி மாநில செயலாளர் முத்தரசன் விடுதலை சிறுத்தைகள் கட்சி தலைவர் திருமாவளவன், தமிழக வாழ்வுரிமை கட்சி தலைவர் வேல்முருகன், ஐஜேகே நிறுவனர் பாரிவேந்தர் எம்.பி உள்ளிட்ட தலைவர்கள் மற்றும் பலர் கலந்து கொண்டனர்.

image


Advertisement

இந்நிலையில், வள்ளுவர் கோட்டத்தில் தடையை மீறி உண்ணாவிரதப் போராட்டம் நடத்தியதாக திமுக தலைவர் மு.க.ஸ்டாலின் உள்ளிட்ட 1600 பேர் மீது வழக்குப் பதிவு செய்யப்பட்டுள்ளது. சட்டவிரோதமாக கூடுதல், அரசின் உத்தரவை மீறுதல் உள்ளிட்ட 3 பிரிவுகளின் கீழ் நுங்கம்பாக்கம் போலீசார் வழக்குப் பதிவு செய்துள்ளனர். முன்னதாக, இந்தப் போராட்டத்திற்கு தமிழக அரசு தரப்பில் அனுமதி வழங்கப்படவில்லை என்பது குறிப்பிடத்தக்கது.

Advertisement:

Advertisement

Advertisement

Advertisement
[X] Close