[X] Close >

கோவை: பெண் கொலை வழக்கில் தம்பதிக்கு இரட்டை ஆயுள் தண்டனை

Couple-gets-double-life-sentence-in-female-murder-case-in-Coimbatore

கோவை சுந்தராபுரத்தில் ஆள் மாறாட்டத்துக்காக பெண்ணை கொலை செய்த வழக்கறிஞர் தம்பதிக்கு இரட்டை ஆயுள் தண்டனை வழங்கப்பட்டுள்ளது.


Advertisement

கோவை சுந்தராபுரம் சிட்கோ பகுதியைச் சேர்ந்தவர் ராஜவேல். இவருடைய மனைவி மோகனா. இவர்கள் இருவரும் கோவை ஒருங்கிணைந்த நீதிமன்றத்தில் வழக்கறிஞர்களாக வேலைப்பார்த்து வந்தனர்.

இதையடுத்து கடந்த 2013 ஆம் ஆண்டு இவர்கள் இருவர் மீதும் ஒடிஷாவில் நிதி நிறுவன மோசடி தொடர்பாக வழக்கு ஒன்று தொடரப்பட்டது. அப்போது நிதிநிறுவன மோசடி வழக்கில் இருந்து தப்பிக்க தனது மனைவி இறந்ததாக ராஜவேல் போலி சான்றிதழ் அளித்தார். இதைத்தொடர்ந்து மோகனா இறப்பை சந்தேகித்த போலீசார் விசாரணையை துரிதப்படுத்தினர். அப்போதுதான் வழக்கில் இருந்து தப்ப தனது அலுவலகத்திற்கு வந்த அம்மாசை என்ற பெண்ணை கொலை செய்து, மனைவி இறந்து விட்டதாக நாடகமாடியது அம்பலமானது. கடந்த 2011 ஆம் ஆண்டே ராஜவேல், மோகனா, பொன்ராஜ், பழனிசாமி ஆகியோர் சேர்ந்து கொலை செய்துள்ளதும் விசாரணையில் தெரியவந்தது. இது 2013 ஆம் ஆண்டு வெளிச்சத்திற்கு வந்துள்ளது.


Advertisement

image

இந்த வழக்கில் பொன்ராஜ் என்பவர் அப்ரூவராக மாறிவிட்டார். இதனால் ராஜவேல், மோகனா, பழனிசாமி ஆகியோருக்கு இரட்டை ஆயுள்தண்டனை வழங்கி நீதிமன்றம் உத்தரவிட்டுள்ளது. மேலும் அனைவருக்கு தலா 25 ஆயிரம் ரூபாய் அபராதமும் விதித்து உத்தரவிட்டுள்ளது.


Advertisement
Advertisement:

Advertisement

Advertisement

Advertisement
[X] Close