[X] Close >

மதுரை: விவசாயம் செழிக்க வேண்டி கண்மாய் மண்ணை குவித்து மக்கள் விநோத வழிபாடு!

Following-the-ancestors-in-Madurai--Strange-worship-for-the-prosperity-of-agriculture

மேலூர் அருகே, விவசாயம் செழிக்க வேண்டி கண்மாய் மண்ணை குவித்து மக்கள் விநோத வழிபாட்டில் ஈடுபட்டனர்


Advertisement

image

மதுரை மாவட்டம் மேலூரை அடுத்த நரசிங்கம்பட்டி பகுதியில் பெருமாள்மலை உள்ளது. அதன் அடிவாரத்தில் மலைச்சாமி கோயிலில் ஆண்டுதோறும் கார்த்திகை தீப திருநாள் அன்று திருவிழா நடைபெறுவது வழக்கம். அதன்படி இந்தாண்டும் திருவிழா கொண்டாடப்பட்டு வருகின்றது.


Advertisement

இதற்காக மேலூர், நரசிங்கம்பட்டி, வெள்ளலூர், சிட்டம்பட்டி, கிடாரிப்பட்டி, உள்ளிட்ட பகுதிகளில் இருந்து பல்லாயிரக்கணக்கான மக்கள் கலந்து கொண்டுள்ளனர். இவர்கள் காலை முதலே மலையின் அடிவாரத்தில் உள்ள சேங்கை கண்மாயில் இருந்து, கைகளால் மண்ணை அள்ளி அருகில் குவித்து கிடக்கும் மண்குவியலில் 3 முறை கொட்டி வலம் வருகின்றனர்.

image

இதனுடன் உப்பு மற்றும் மிளகை கொட்டியும் வழிபாடு நடத்துகின்றனர், மேலும் இந்த சேங்கை கண்மாயின் நீரை எடுத்துச் சென்று விளை நிலங்களில் தெளிப்பதால், தங்களது வேண்டுதல் நிறைவேறுவதுடன், தங்களுடைய விளை நிலத்தில் விவசாயம் செழிக்கும் என்பது இவர்களின் நம்பிக்கையாக உள்ளது.


Advertisement

மேலும் இவ்வாறு செய்வதால் மழைநீரை சேகரிக்க தூர்வார வேண்டியதில் அவசியம் குறித்து முன்னோர்களால் வகுக்கப்பட்டதை தாங்கள் கடைபிடிப்பதாக கிராமத்தினர் பெருமிதம் தெரிவிக்கின்றனர்.

Advertisement:

Advertisement

Advertisement

Advertisement
[X] Close