[X] Close >

20 வருடங்கள் நம்பிக்கை - சந்தைக்கு வந்தது Honda Activa 6G!

Honda-Activa-20th-Anniversary-Edition-Launched-In-India

ஹோண்டா நிறுவனம், Honda Activa 6G என்ற புதிய வெர்ஷனை அறிமுகம் செய்துள்ளது


Advertisement

கியர் மாற்ற வேண்டிய தேவையில்லை, குடும்பத்தில் ஆண், பெண் என யார் வேண்டுமானாலும் செளகர்யமாக எடுத்துச் செல்லலாம். பின்னால் அமர்பவர்களுக்கு பெரிய சீட் இருப்பதால் நீண்ட நேரம் சொகுசாக அமரலாம். முன்னால் பொருட்களை வைத்துக்கொள்வதற்கு ஏற்ப இட வசதி உண்டு. பிக்கப், சொகுசு என பலரின் விருப்பத்திற்கு ஏற்ற இரு சக்கர வாகனம் தான் ஹோண்டா ஆக்டிவா.

image


Advertisement

ஸ்கூட்டர் வகை என்றாலே பெண்களுக்குத்தான் என்ற நிலை மாறி இருபாலருக்குமான இரு சக்கர வாகனமாக உருவாக்கப்பட்டது ஆக்டிவா. ஆக்டிவா உருவாக்கப்பட்டு 20 வருடங்கள் முடிந்துவிட்டன. அதனை கொண்டாடும் விதமாக அடுத்தக்கட்ட வெர்ஷனை அறிமுகம் செய்கிறது ஹோண்டா. Honda Activa 6G என்ற வெர்ஷனை அறிமுகம் செய்துள்ளது. ரூ.66316 முதல் ரூ.68316 (ex-showroom) வரை இதன் விலை நிர்ணயம் செய்யப்படுகிறது. கைக்கு வரும்போது ஆக்டிவா ரூ.70ஆயிரத்தை தாண்டும் என்றே தெரிகிறது.

image

இந்த விலை மாற்றம் ஆக்டிவாவின் பிரத்யேக பெயிண்ட் ஸ்டைல், மற்றும் விற்பனையாகும் இடத்தை பொருத்து மாறுகிறது. 109.5 CC எஞ்சின் கெபாசிட்டி, 7.68 bhp @ 8000 rpm பவர் என அசத்தலான பிக் அப்பிற்கு ஆக்டிவா 6G தயாராகவே உள்ளது. 45 Kmpl மைலேஜ், செல்ஃப் மற்றும் கிக்ஸ்டார்ட் வசதி என பல சிறப்பம்சங்களையும் ஆக்டிவா கொண்டுள்ளது. மேலும் புதிய மாடலில் சில அசத்தலான பெயிண்ட் ஃபினிஸிங்கையும் கொடுத்துள்ளனர்.


Advertisement

image

Honda Activa 6G குறித்து பேசியுள்ள ஹோண்டா இருசக்கர வாகன நிறுவனத்தின் இயக்குநர் அட்சுசி ஒகாடா, ’’இந்தியாவுடைய கனவின் சக்தியை உணர்ந்த ஹோண்டா, ஆக்டிவாவை 20 வருடங்களுக்கு முன்பு அறிமுகம் செய்தது. பயனாளர்களில் நம்பிக்கையையும், அன்பையும் பெற்ற ஆக்டிவா அடுத்தக்கட்டத்தில் கால் வைக்கிறது. இருபாலருக்குமான ஆக்டிவா 6G மாடலை நாங்கள் அறிமுகம் செய்கிறோம்’’ என தெரிவித்துள்ளார்.

Advertisement:

Advertisement

Advertisement

Advertisement
[X] Close