ராஜீவ் காந்தி கொலை வழக்கு: 7 பேர் விடுதலைக்கு தமிழக காங்கிரஸ் எதிர்ப்பு

ராஜீவ் கொலைவழக்கில் 7 பேர் விடுதலைக்கு தமிழக காங்கிரஸ் கமிட்டி தலைவர் கே.எஸ்.அழகிரி எதிர்ப்பு தெரிவித்துள்ளார்.

ராஜீவ் கொலைவழக்கில் 7 பேர் விடுதலைக்கு அதிமுக, திமுக உள்பட அரசியல் கட்சியினர் ஆளுநருக்கு அழுத்தம் கொடுத்து வருகின்றனர்.

இந்நிலையில், பேரறிவாளன் உள்பட 7 பேரை விடுதலை செய்யும்படி அரசியல் கட்சியினர் கோருவது ஏற்புடையது அல்ல என்று கே.எஸ். அழகிரி கூறியுள்ளார். முன்னாள் பிரதமரை கொலைசெய்து இந்தியாவிற்கு கேடு விளைவித்தோருக்கு பரிந்துபேசுவது தமிழர் பண்பாடாகாது என்றும் அவர் கூறியுள்ளார்.

மேலும் கொலை குற்றம் செய்தவர்களை குற்றவாளிகள் என்றுதான் கருத வேண்டுமே தவிர, தமிழர்கள் என அழைப்பது சரியல்ல. ராஜீவ்காந்தி கொலை வழக்கில் சிறையில் உள்ள 7 பேர் விடுதலையை நீதிமன்றம் அறிவித்தால் ஏற்றுக்கொள்வோம் என்று அவர் தெரிவித்துள்ளார்.