வெளியானது 10,12-ஆம் வகுப்பு துணைத்தேர்வு முடிவுகள் !

10,11,12 ஆம் வகுப்பு துணைத்தேர்வு முடிவுகள் வெளியிடப்படும் தேதிகள் அறிவிக்கப்பட்டுள்ளது. 

10,12ஆம் வகுப்பு துணைத்தேர்வு முடிவுகள் இன்றும், 11ஆம் வகுப்பு துணைத்தேர்வு முடிவுகள் நாளை மறுநாளும் வெளியிடப்படும் என்று அரசு தேர்வுகள் துறை அறிவித்திருந்தது. அதன்படி 10,12-ஆம் வகுப்பு துணைத்தேர்வு முடிவுகள் வெளியானது. இந்த முடிவுகளை மாணவர்கள் www.dge.tn.gov.in என்கிற இணையதள முகவரியில் முடிவுகளை தெரிந்து கொள்ளலாம்..

மறுகூட்டல் மற்றும் விடைத்தாள் நகல் பெற விரும்பும் மாணவர்கள் நவம்பர் 3 மற்றும் 4ம் தேதிகளில் அந்தந்த மாவட்ட முதன்மை கல்வி அலுவலர் அலுவலகத்திற்கு நேரடியாக சென்று உரிய கட்டணம் செலுத்தி விண்ணப்பிக்கலாம் என தெரிவிக்கப்பட்டுள்ளது. இதில் 10,11,12ம் வகுப்பு பயிலும் மாணவர்கள் மறுக்கூட்டலுக்கு  205 ரூபாயையும், விடைத்தாள் நகல் பெற விரும்பும் 11 மற்றும் 12ம் வகுப்பு மாணவர்கள் 275 ரூபாயையும் செலுத்த வேண்டும் எனவும் இதில் உயிரியல் பாடத்திற்கு மட்டும் 305ரூபாய் செலுத்த வேண்டும் எனவும் தெரிவிக்கப்பட்டுள்ளது. 

விடைத்தாள் நகல் பெறும் மாணவர்கள் மட்டுமே மறு மதிப்பீட்டிற்கு விண்ணப்பிக்க முடியும். விடைத்தாள் நகல் கோரி விண்ணப்பிக்கும் பாடத்தின்  மறுகூட்டலுக்கு தற்போது விண்ணப்பிக்க கூடாது என்றும் தேர்வுத்துறை தெரிவித்துள்ளது.