குற்றவாளிகளுக்கு செக்.. துபாய் பொதுப் போக்குவரத்தில் முக அங்கீகார தொழில்நுட்பம் அறிமுகம்.!

Dubai-public-transport-introduces-facial-recognition-for-security

துபாய் பொதுப் போக்குவரத்தில் முக அங்கீகார தொழில்நுட்பம் அறிமுகம் செய்யப்பட்டுள்ளது.


Advertisement

அடுத்த ஆண்டு துபாயில் நடைபெறவிருக்கும் உலகளாவிய எக்ஸ்போ கண்காட்சியை முன்னிட்டு மேற்கொள்ளப்படும் பாதுகாப்பு நடவடிக்கைகளில் முக அங்கீகார தொழில்நுட்பமும் ஒன்று என்று துபாயின் போக்குவரத்து பாதுகாப்பு துறை இயக்குநர் ஒபைத் அல்-ஹத்பூ தெரிவித்துள்ளார்.

மத்திய கிழக்கில் "ஸ்மார்ட் சிட்டி" ஆவதற்கான செயல்முறையின் ஒரு பகுதியாக கடந்த சில மாதங்களாக துபாய் சர்வதேச விமான நிலையத்தில் முக அங்கீகார தொழில்நுட்பம் பயன்பாட்டில் உள்ளது. விரைவில் இந்த தொழில்நுட்பம் அனைத்து மெட்ரோ ரயில் நிலையங்களிலும் எதிர்வரும் மாதங்களில் நிறுவப்படும் என்று அதிகாரிகள் கூறியுள்ளனர்.


Advertisement

image

முக அங்கீகார தொழில்நுட்பம் மூலம், சந்தேகத்திற்குரிய நபர்களும் காவல்துறையால் தேடப்படுவோரும் எளிதில் அடையாளம் காணப்படுவர் என்று அதிகாரிகள் கூறினர். இதற்காக அமெரிக்காவில் ஒரு சிறப்பு போலீஸ் பிரிவு பயிற்சி பெற்றுள்ளது.

இதற்கு முன்னர் ஒரு சந்தேக நபரை அடையாளம் காண குறைந்தது ஐந்து மணிநேரம் ஆனது என்றும் முக அங்கீகார தொழில்நுட்பம் மூலம் ஒரு நிமிடத்திற்குள் அடையாளம் காணமுடியும் என்றும் அதிகாரிகள் தெரிவித்தனர்.


Advertisement

ஐந்து ஆண்டுகளுக்கு ஒருமுறை நடைபெறும் உலகளாவிய எக்ஸ்போ கண்காட்சி, புத்தாக்கச் சிந்தனையையும் அனைத்துலக ஒத்துழைப்பையும் மேம்படுத்துவதை நோக்கமாகக் கொண்டுள்ளது.

துபாயில் நடைபெறவிருக்கும் கண்காட்சியில் கிட்டத்தட்ட 190 நாடுகள் பங்கேற்கவுள்ளன. சுமார் 15 மில்லியன் வருகையாளர்கள் எதிர்பார்க்கப்படுகின்றனர்.

 

Advertisement:

Advertisement

Advertisement

Advertisement