[X] Close >

"வீரர்களை குடும்பத்துடன் வர அனுமதியுங்கள்" -ஆஸ்திரேலியாவிடம் கோரிக்கை வைத்த பிசிசிஐ!

Allow-families-to-travel-with-players-BCCI-requests-Cricket-Australia-for-upcoming-tour

ஆஸ்திரேலியாவில் நடைபெற இருக்கும் கிரிக்கெட் தொடரில் பங்கேற்க வருகை தரும் இந்திய கிரிக்கெட் வீரர்களை குடும்பத்துடன் வர அனுமதியுங்கள் என்று பிசிசிஐ கோரிக்கை விடுத்துள்ளது.


Advertisement

ஐபிஎல் தொடர் நிறைவடைந்த பின்பு இந்திய கிரிக்கெட் அணி ஆஸ்திரேலியாவுக்கு சுற்றுப் பயணம் மேற்கொள்கிறது. அங்கு டெஸ்ட், ஒருநாள் மற்றும் டி20 தொடர்களில் இந்திய அணி பங்கேற்க இருக்கிறது. இந்திய ஆஸ்திரேலிய அணிகளுக்கு இடையிலான முதல் ஒருநாள் போட்டி நவம்பர் 27 ஆம் தேதி தொடங்குகிறது. முதல் டெஸ்ட் போட்டி ஜனவரி 15 ஆம் தேதி தொடங்குகிறது.

image


Advertisement

கொரோனா பாதிப்பு காரணமாக ஆஸ்திரேலியாவில் நடைபெற இருக்கும் தொடரில் இந்திய வீரர்கள் மட்டுமே வர வேண்டும் என்று அந்நாட்டு கிரிக்கெட் வாரியம் தெரிவித்திருந்தது. இந்நிலையில் "தி இந்து" நாளிதழுக்கு பிசிசிஐ அதிகாரி ஒருவர் கூறுகையில் "கொரோனா பாதுகாப்பு வளையம் காரணமாக வீரர்களை மட்டும் அனுப்புமாறு கிரிக்கெட் ஆஸ்திரேலியா அறிவுறுத்தியுள்ளது. வீரர்கள் மட்டும் அல்ல குடும்பத்தினரும் கொரோனா பாதுகாப்பு வளையத்தில் இருப்பார்கள். அதனால் குடும்பத்தினரையும் அனுமதிக்குமாறு கோரிக்கை விடுத்துள்ளோம்" என்றார் அவர்.

image

மேலும் "ஏற்கெனவே ஐபிஎல் தொடரில் பல வீரர்கள் குடும்பத்தினருடன் இல்லாமல் இருக்கின்றனர். குறைந்தபட்சம் வீரர்களுடன் அவர்கள் குடும்பத்தினருடன் சில காலம் இருந்தால் நன்றாக இருக்கும். இந்தக் கோரிக்கையை கிரிக்கெட் ஆஸ்திரேலியா ஏற்கும் என நம்புகிறோம். விரைவில் இதற்கு தீர்வும் எட்டும்" என்றார் அந்த பிசிசிஐ அதிகாரி.


Advertisement
Advertisement:

Advertisement

Advertisement

Advertisement
[X] Close