பொறியியல் சேர்க்கை: ரேங்க் பட்டியல் வெளியீடு

பொறியியல் படிப்பு சேர்க்கைக்கான ரேங்க் பட்டியலை உயர்க் கல்வித்துறை அமைச்சர் கே.பி அன்பழகன் வெளியிட்டுள்ளார்.

இதில், சஷ்மிதா என்ற மாணவி முதல் இடத்தை பிடித்துள்ளார். இரண்டாவது இடத்தை நவநீதகிருஷ்ணன் என்பவரும், காவ்யா என்ற மாணவி 3 வது இடத்தையும் பிடித்துள்ளனர்.

பின்னர் செய்தியாளர்களை சந்தித்த அமைச்சர் அன்பழகன், “முதல் 10 இடங்களை பிடித்தவர்களுக்கு வாழ்த்துகள். ரேங்க் பட்டியலில் தவறு இருந்தால் மாணவர்கள் புகார் அளிக்கலாம். அது பின்னர் திருத்தி வழங்கப்படும். 1,12,406 பேர் விண்ணப்பம் உறுதி செய்யப்பட்டுள்ளது. 461 கல்லூரிகளுக்கு கலந்தாய்வு நடைபெறும். இந்த ஆண்டு 27 கல்லூரிகள் மூடுவதற்கான அனுமதி கேட்டுள்ளது. 8 கல்லூரிகள் புதிதாக திறப்பதற்காக அனுமதி கேட்டுள்ளது. மாற்றுத்திறனாளிகளுக்கான இறுதிப் பட்டியல் 6 ஆம் தேதி வெளியிடப்படும்” எனத் தெரிவித்தார்.