[X] Close >

தீப்பெட்டி தர மறுத்த பெண்ணை நாட்டுத் துப்பாக்கியால் சுட்ட சிறுவன் - போலீசார் வலைவீச்சு

Police-are-looking-for-the-boy-who-shot-the-woman-who-refused-to-give-him-a-match

கிருஷ்ணகிரி அருகே புகைபிடிக்க தீப்பெட்டி தர மறுத்த பெண்ணை நாட்டுத் துப்பாக்கியால் சுட்டதாக வழக்கு பதிவு செய்து சிறுவனை போலீசார் தேடி வருகின்றனர்.


Advertisement

கிருஷ்ணகிரி அருகே பன்னந்தோப்பு பகுதியை சேர்ந்தவர் பச்சையம்மாள். இவர் தனது வீட்டின் வெளியில் அமர்ந்து பாத்திரங்களை கழுவிக் கொண்டிருந்தார். அப்போது மதுபோதையில் அங்கு வந்த 17 வயது சிறுவன் புகை பிடிக்க தீப்பெட்டி கேட்டுள்ளார். அதற்கு பச்சையம்மாள் தீப்பெட்டி இல்லை என்று கூறவே இருவருக்கும் வாக்குவாதம் ஏற்பட்டுள்ளது.

 image


Advertisement

இதனையடுத்து அங்கிருந்து சென்ற சிறுவன் வீட்டில் இருந்த நாட்டு துப்பாக்கியை எடுத்து வந்து பச்சையம்மாளை நோக்கி சுட்டதில் கழுத்து, கை மற்றும் கால்களில் காயம் ஏற்பட்டுள்ளது என போலீசார் வழக்கு பதிவு செய்துள்ளனர்.

இது குறித்து கிருஷ்ணகிரி அரசு தலைமை மருத்துவமனையில் சிகிச்சை பெற்று வரும் பச்சையம்மாளிடம் கேட்டபோது சிறுவன் தனது உறவினர் என்றும் இருவருக்கும் இடையே எந்தவித தகராறும் இல்லை என தெரிவித்தார். மேலும் வீட்டின் வெளியே வேலை செய்து கொண்டிருந்த போது திடீரென பால்ஸ் குண்டுகள் வந்து அடித்ததால் தான் மயக்கம் அடைந்ததாக தெரிவித்தார்.

இந்த துப்பாக்கி சூடு சம்பவம் தொடர்பாக மலைமீது தலைமறைவாக உள்ள சிறுவனை பிடிக்கும் பணியில் போலீசார் தீவிரமாக ஈடுபட்டு வருகின்றனர்.


Advertisement
Advertisement:

Advertisement

Advertisement

Advertisement
[X] Close