‘சென்னை அணியை வீழ்த்தி வெற்றியுடன் ஐபிஎல் தொடரை தொடங்குவோம்’ ஸ்டீவ் ஸ்மித் 

ராஜஸ்தான் ராயல்ஸ் அணி நாளை நடைபெற உள்ள லீக் ஆட்டத்தில் சென்னை சூப்பர் கிங்ஸ் அணியுடன் விளையாட உள்ளது.

இந்நிலையில், சென்னை அணியுடனான ஆட்டத்தை வெற்றியோடு தொடங்க விரும்புவதாக தெரிவித்துள்ளார் ராஜஸ்தான் அணியின் கேப்டன் ஸ்டீவ் ஸ்மித்.

‘கடந்த சில நாட்களாக துபாயில் முகாமிட்டுள்ள ராஜஸ்தான் ராயல்ஸ் அணியினருடன் பயிற்சி மேற்கொண்டு வருகிறேன். வலை பயிற்சியின் போது பந்தினை அடித்து விளையாட முடிந்தது. அதே ஆட்டத்தை நாளையும் விளையாடுவேன் என நம்புகிறேன். 

இந்த முறை ராஜஸ்தான் அணியில் புதுமையும், அனுபவமும் இரண்டற கலந்துள்ளது. சிறப்பான டீம் எங்களுக்கு அமைந்துள்ளது. அதன் மூலம் இந்த சீசனில் நாங்கள் விளையாட உள்ள சென்னை அணியுடனான முதல் ஆட்டத்தில் வெற்றியோடு தொடங்கவே விரும்புகிறோம். நாளைய தினம் எங்கள் ஆட்டம் சூப்பராக இருக்கும்’ என அவர் தெரிவித்துள்ளார்.