தொழிலாளர் கல்வி நிலைய முதுநிலை படிப்புகள்: அக். 16ம் தேதி விண்ணப்பிக்க கடைசி நாள்

தமிழ்நாடு தொழிலாளர் கல்வி நிலையத்தில் வழங்கப்படும் முதுநிலை மற்றும் பட்டயப் படிப்புகளில் சேர அக்டோபர் 16ம் தேதிக்குள் விண்ணப்பிக்கலாம் என அறிவிக்கப்பட்டுள்ளது.

தொழிலாளர் கல்வி நிலையத்தில் தொழிலாளர் மேலாண்மையில் எம்ஏ மற்றும் பிஜிடிஎல்ஏ, தொழிலாளர் நிர்வாகத்தில் முதுநிலை மாலை நேர பட்டப்படிப்பு, தொழிலாளர் சட்டங்களும் நிர்வாகவியல் சட்டமும் வார இறுதி பட்டயப்படிப்புகள் ஆகிய படிப்புகள் கற்பிக்கப்படுகின்றன.

இந்தப் படிப்புகளில் சேர விருப்பமுள்ள பட்டப்படிப்பை முடித்த மாணவர்கள், இளநிலைப் படிப்பில் இறுதித் தேர்வு எழுதும் மாணவர்கள் விண்ணப்பிக்கலாம். விண்ணப்பக்கட்டணம் ரூ. 200. பட்டியலின, பழங்குடி மாணவர்களுக்கு ரூ. 100. பூர்த்தி செய்யப்பட்ட விண்ணப்பத்தை அக்டோபர் 16 ம் தேதிக்குள் தொழிலாளர் கல்வி நிலையத்தில் சமர்ப்பிக்கவேண்டும்.

கூடுதல் விவரங்களுக்கு தமிழ்நாடு தொழிலாளர் கல்வி நிலையம், எண்.5, காமராசர் சாலை, சென்னை - 600 005 என்ற முகவரியை தொடர்புகொள்ளலாம்.

விவரங்களுக்கு: www.tilschennai@tn.gov.in/ 044 28445778