3 திருமணம்...4 குழந்தைகள்... மைனர் பெண்ணை விக் வைத்து ஏமாற்றிய நபர் கைது

india-s-first-5g-video-call-demoed-by-ericsson-qualcomm-at-imc

உத்தரபிரதேசம் மீரட்டைச் சேர்ந்தவர் 42 வயதான அப்துல்லா. இவர் 18 வயதுக்குக் கீழ் உள்ள பெண்ணை திருமணம் செய்துகொள்வதாகக் கூறி, ஏமாற்றி பாலியல் வன்கொடுமை செய்த குற்றத்திற்காக கைது செய்யப்பட்டுள்ளார்.


Advertisement

செப்டம்பர் 3ஆம் தேதி மைனர் பெண் ஒருவர் காணாமல் போய்விட்டதாக அவரது குடும்பத்தினர் போலீஸில் புகார் கொடுத்துள்ளனர். போலீஸ் குழுக்களாகப் பிரிந்து அந்தப் பெண்ணை தேடியபோது அவர் அப்துல்லா என்ற நபருடன் இருப்பதைக் கண்டறிந்துள்ளனர். அந்த நபரை விசாரித்ததில் பல திடுக்கிடும் தகவல்கள் வெளியாகி உள்ளன.

ஐ.ஏ.என்.எஸ் அறிக்கைப்படி, அப்துல்லாவுக்கு ஏற்கெனவே திருமணமாகி மூன்று மனைவிகள் மற்றும் நான்கு குழந்தைகள் இருக்கின்றனர். அவர் ஃபேஸ்புக்கில் அமன் சௌத்ரி என்ற பெயரில் புதிய கணக்கைத் தொடங்கி, அதில் தன் வயதைக் குறைத்துக் காண்பிக்க விக் வைத்து எடுத்த புகைப்படங்களை பதிவிட்டிருக்கிறார். ஃபேஸ்புக்கில் அறிமுகமான மைனர் பெண் ஒருவரை காதலிப்பதாகக் கூறி திருமணமும் செய்துகொள்வதாகக் கூறியிருக்கிறார்.


Advertisement

அப்துல்லா அந்த பெண்ணை கடத்திச் சென்று பாலியல் வன்கொடுமை செய்ததோடு, அவரை திருமணம் செய்துகொள்ள விரும்புவதாகவும் போலீஸாரிடம் கூறியிருக்கிறார். அந்த பெண்ணை மீட்ட போலீஸார் குடும்பத்தாருடன் அனுப்பி வைத்திருக்கின்றனர்.


Advertisement

மேலும், சிறுபெண்ணை ஏமாற்றி, பாலியல் வன்கொடுமை செய்த குற்றத்திற்காக போக்சோ சட்டத்தின்கீழ் கைது செய்யப்பட்டுள்ளார். நீதிமன்றத்தில் ஆஜர் செய்யப்பட்டு பின்பு சிறையில் அடைக்கப்படுவார் என்று மீரட் எஸ்.பி அகிலேஷ் நரேன் கூறியுள்ளார்.

loading...

Advertisement

Advertisement

Advertisement