“பிரதமர் மோடிக்கு முதலில் தேர்வு வைக்க வேண்டும்” - சீமான்

ஆள்கிறவர்கள் எந்த கல்வி படித்தார்கள் என யாருக்கும் தெரியாது என நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

இதுகுறித்து செய்தியாளர்களுக்கு பேட்டியளித்த சீமான் “இந்த நாட்டை ஆளுகிறவர்கள், சட்டங்களை வகுப்பவர்கள் எந்த கல்வி படித்தார்கள் என்று யாருக்கும் தெரியாது. எந்த தேர்வு எழுதினார்கள் என்று யாருக்கும் தெரியாது. எம்.எல்.ஏ, எம்பி, அமைச்சர்கள் என எல்லாருக்கும் நுழைவுத்தேர்வு அல்லது நீட் போன்ற தேர்வை வைத்து எழுத சொல்ல வேண்டும்.

அவ்வாறு செய்தால் நாட்டில் மிகத்தகுதியான அமைச்சர் பெருமக்கள் வருவார்கள் என நான் நினைக்கிறேன். அதில் முதல் தேர்வை பிரதமர் மோடி எழுத வேண்டும். அதன்பிறகு கல்வித்துறை அமைச்சர் எழுத வேண்டும்” எனத் தெரிவித்தார்.