[X] Close

கடன் தொல்லையால் கூலித் தொழிலாளி தற்கொலை : நாமக்கல்லில் சோகம்..!

india-s-first-5g-video-call-demoed-by-ericsson-qualcomm-at-imc

நாமக்கல்லில் வேலையின்றி தவித்து வந்த கூலித் தொழிலாளி கடன் தொல்லையால் தற்கொலை செய்துகொண்ட சம்பவம் சோகத்தை ஏற்படுத்தியுள்ளது.


Advertisement

ஈரோடு மாவட்டம் சூரம்பட்டி பகுதியை சேர்ந்தவர் தங்கராஜ் (48). இவரது மனைவி சாந்தி (42). இந்த தம்பதிக்கு 11 வயதில் ஒரு மகனும், 7 வயதில் ஒரு மகளும் உள்ளனர். தங்கராஜ் ஈரோட்டில் உள்ள தனியார் ஜவுளி நிறுவனத்தில் துணி மடிக்கும் தொழிலாளியாக வேலை பார்த்து வந்தார். கடந்த நான்கு மாதங்களாக வேலை இழந்து தவித்த தங்கராஜ், நிதி நிறுவனத்தில் கடன் வாங்கியதாக தெரிய வருகிறது.

image


Advertisement

கொரோனா காலமென்பதால் பணத்தை திருப்பி செலுத்த முடியாத நிலையில், நிதி நிறுவனத்தைச் சேர்ந்தவர்கள் கடந்த சில தினங்களுக்கு முன்பு தங்கராஜை பணம் கேட்டு மிரட்டியதாக தெரிகிறது. கடன் கட்ட முடியாத சூழ்நிலையில் மன உளைச்சலில் இருந்த தங்கராஜ், நேற்று மாலை முதலே திடீரென்று மாயமாகிவிட்டார். அவரை பல இடங்களில் தேடியும் கிடைக்காத நிலையில், இன்று நாமக்கல் மாவட்டம் பள்ளிபாளையம் அருகிலுள்ள ஓடப்பள்ளி கதவணை பகுதியில் காலியாக உள்ள ஒரு கடையில் வயர் மூலம் தூக்கிட்டு தற்கொலை செய்துகொண்டது தெரியவந்தது.

image

இதனையடுத்து அங்கு விரைந்து வந்த பள்ளிபாளையம் போலீசார், தங்கராஜ் உடலை கைப்பற்றி பிரேத பரிசோதனைக்காக பள்ளிபாளையம் அரசு மருத்துவமனைக்கு அனுப்பி வைத்தனர். தங்கராஜ் கடன் தொல்லை காரணமாக தற்கொலை செய்தது மட்டுமின்றி, பின்னணியில் வேறு ஏதேனும் காரணங்கள் உள்ளதா? என போலீசார் விசாரணை நடத்தி வருகின்றனர்.


Advertisement

2 வருடங்களுக்கு பிறகு கணவருடன் சேர்ந்து வாழ்ந்த மனைவி.. திடீரென வீட்டில் சடலாமாக மீட்பு

loading...

Advertisement

Advertisement

Advertisement