[X] Close

சொத்துக்காக தாயை கொலை செய்ய முயன்ற மகன் கைது..!

india-s-first-5g-video-call-demoed-by-ericsson-qualcomm-at-imc

சென்னை அருகே சொத்துக்காக தாயை மகனே வெட்டிக்கொல்ல முயன்ற சம்பவம் நிகழ்ந்துள்ளது.


Advertisement

செங்கல்பட்டு மாவட்டம், வண்டலூர் ஓட்டேரி காவல்நிலைய எல்லைக்குட்பட்ட வேம்புலி அம்மன் கோயில் தெருவில் வசித்தவர் ஆலயம்மா (70). இவருக்கு நான்கு மகன்கள் மற்றும் ஒரு மகள். இதில் மூத்த மகனான பூபதி கூலி வேலை செய்து வருகிறார். இவர் பல நாட்களாக தன் தாயிடம் சொத்தைப் பிரித்துக் கொடுக்க சொல்லி சண்டை போட்டு வந்ததாக கூறப்படுகிறது.

image


Advertisement

இந்நிலையில் நேற்று இரவு சொத்தைப் பிரித்துக் கொடுக்க சொல்லி தன் தாயிடம் தகராறில் ஈடுபட்டுள்ளார். தாய் ஆலயம்மாள் தற்போது சொத்தை பிரித்துக் கொடுக்க முடியாது என்று தன் மகனிடம் கூறியுள்ளார். இதனால் ஆத்திரமடைந்த மகன் பூபதி, தான் மறைத்து வைத்திருந்த கத்தியை எடுத்து தன் தாயின் கழுத்து, கை, முதுகு உள்ளிட்ட பகுதிகளில் சரமாரியாக குத்தி விட்டு அங்கிருந்து தப்பி சென்றுள்ளார்.

உடனே அக்கம்பக்கத்தினர் அவரை மீட்டு அரசு மருத்துவமனையில் சிகிச்சைக்கு அனுப்பி வைத்தனர். படுகாயங்களுடன் அவர் சிகிச்சை பெற்று வருகிறார். இதற்கிடையே ஆலயம்மா வீட்டில் பொருத்தப்பட்டிருந்த சிசிடிவி காட்சிகளில் பெற்ற தாயையே மகனே கத்தியால் குத்தும் காட்சி வெளியாகியுள்ளது. இதுகுறித்து வழக்குப்பதிவு செய்த ஓட்டேரி போலீசார் பூபதியை கைது செய்து சிறையில் அடைத்தனர்.

அதிரடி ஆஃபரால் கூட்டம்.. புதிதாக திறக்கப்பட்ட துணிக்கடைக்கு சீல் வைத்த அதிகாரிகள்.!

loading...

Advertisement

Advertisement

Advertisement