ஆகஸ்ட் மாதத்தில் மட்டும் இந்தியாவில் 54% கொரோனா பாதிப்பு

இந்தியாவில் இதுவரை 3 மில்லியனுக்கும் அதிகமானோர் கொரோனாத் தொற்றால் பாதிக்கப்பட்டுள்ளனர். உலக அளவில் கொரோனாத் தொற்றால் அதிகம் பாதிக்கப்பட்ட நாடுகளில் இந்தியா முதலிடத்தினை நோக்கி சென்றாலும், அமெரிக்கா மற்றும் பிரேசில் போன்ற நாடுகளில் இறப்பு விகிதம் அதிகமாக உள்ளது.

குறிப்பாக ஆகஸ்ட் மாதத்தில் மட்டும் 19,95,178 பேர் பாதிக்கப்பட்டுள்ளனர். இதுவரை பதிவுசெய்யப்பட்ட மொத்த பாதிப்புகளில் இது 54% ஆகும். மேலும் ஆகஸ்ட் மாதத்தில் மட்டும் 28,777 பேர் கொரோனாவால் இறந்துள்ளனர்.

இதுவரை இந்தியாவில் மொத்தம் 36,91,166 பேர் பாதிக்கப்பட்டுள்ளனர். இறப்பு எண்ணிக்கை 65,288ஆக உயர்ந்துள்ளது என்று சுகாதார அமைச்சகம் தகவல் வெளியிட்டுள்ளது.