முதுநிலை பொறியியல் படிப்புகளுக்கு நுழைவுத்தேர்வு... அண்ணா பல்கலைக்கழகம் அறிவிப்பு

தமிழகம் முழுவதும் உள்ள பொறியியல் கல்லூரிகளில் 2020 - 2021 கல்வி ஆண்டில் முதுநிலை பொறியியல் படிப்புகளில் சேர எழுதவேண்டிய நுழைவுத்தேர்வு ( TNCA 2020) பற்றிய அறிவிப்பை அண்ணா பல்கலைக்கழகம் வெளியிட்டுள்ளது.

அண்ணா பல்கலைக்கழகத் துறைகள், பல்கலைக்கழகக் கல்லூரிகள், அண்ணா பல்கலைக்கழக பிராந்திய வளாகங்கள், அண்ணாமலை பல்கலைக்கழகம், அரசு மற்றும் அரசு உதவிபெறும் பொறியியல் கல்லூரிகள் மற்றும் சுயநிதிப் பொறியியல் கல்லூரிகளில் எம்இ, எம்டெக், எம்.ஆர்க் படிப்புகளில் சேர நுழைவுத்தேர்வு நடத்தப்படவுள்ளது.

தேர்வு எழுத விரும்பும் மாணவர்கள் ஆன்லைன் மூலம் விண்ணப்பிக்க வேண்டும் . ஆகஸ்ட் 28 ஆம் தேதி முதல் இணையதளத்தில் விண்ணப்பப் பதிவு தொடங்கும். கூடுதல் தகவல்களை இணையதளம் மூலம் தெரிந்துகொள்ளலாம்.

விண்ணப்பிக்கக் கடைசி தேதி: 14.9.2020
தொடர்புக்கு: 044 22358401/02/03
விவரங்களுக்கு: www.annauni.edu/tnca2020