கொரோனா காலத்தில் தேர்தல்... வழிகாட்டு நெறிமுறைகளை வெளியிட்டது தேர்தல் ஆணையம்!
கொரோனா நோயாளிகள், வீடுகளில் தனிமைப்படுத்தப்பட்டவர்கள் தபால் வாக்கு முறையில் வாக்களிக்கலாம்.
வரும் நவம்பர் மாதத்தில் பீகார் மாநில சட்டப்பேரவை தேர்தல் நடைபெற உள்ள நிலையில், கொரோனா நோய்த்தொற்றுக்கு இடையே பாதுகாப்பான முறையில் தோ்தலை நடத்துவதற்கான வழிகாட்டு நெறிமுறைகளை தோ்தல் ஆணையம் வெளியிட்டுள்ளது. அவற்றின் முக்கிய விவரங்களை காணலாம்:
* மின்னணு வாக்குப்பதிவு இயந்திரம் மூலமாக கொரோனா பரவக்கூடாது என்பதற்காக, வாக்குச்சாவடியில் ஒவ்வொரு வாக்காளருக்கும் கையுறை வழங்கப்படும். மாஸ்க் அணிந்து வராத வாக்காளா்களுக்கு மாஸ்க் வழங்கப்படும்.
* அனைத்து வாக்குச்சாவடிகளிலும் கிருமிநாசினி, வெப்பமானி ஆகியவை இருப்பதும், வாக்காளர்களுக்கு இடையே போதிய இடைவெளி கடைபிடிக்கப்படுவதும் உறுதி செய்யப்படும்.
* வாக்குச்சாவடிக்குள் நுழைந்தவுடன் வாக்காளர்களின் உடல் வெப்பநிலை சோதிக்கப்படும். இதில், காய்ச்சல் கண்டறியப்படும் வாக்காளர்களுக்கு டோக்கன் அளிக்கப்பட்டு, கடைசி நேரத்தில் அவர்கள் வாக்களிக்க வசதி ஏற்படுத்தி தரப்படும்.
* வீடு வீடாகச் சென்று வாக்கு சேகரிப்பின்போது, வேட்பாளருடன் சேர்த்து ஐந்து பேர் மட்டுமே ஒரு குழுவாக செல்ல அனுமதிக்கப்படுவார்கள்.
* வேட்புமனுவை தாக்கல் செய்யும்போது, வேட்பாளருடன் இருவா் மட்டுமே அனுமதிக்கப்படுவர்.
* ஊர்வலத்தின்போது ஒரு முறை ஐந்து வாகனங்கள் மட்டுமே செல்ல வேண்டும். இதுவரை 10 வாகனங்களுக்கு அனுமதி அளிக்கப்பட்டு வந்தது.
* ஒரு வாக்குச்சாவடியில் அதிகபட்சமாக 1,000 வாக்காளா்கள் அனுமதிக்கப்படுவா். இதுவரை 1,500 வாக்காளா்கள் அனுமதிக்கப்பட்டு வந்தனா்.
* வாக்கு எண்ணிக்கை அறையில் அதிகபட்சமாக 7 மேஜைகள் மட்டுமே போட வேண்டும்.
* கொரோனா தொற்றால் பாதிக்கப்பட்டு மருத்துவமனையில் சிகிச்சை பெற்று வருவோா் அல்லது கொரோனா தொற்று ஏற்பட்டிருக்கலாம் என்ற சந்தேகத்தில் வீட்டுத் தனிமையில் இருப்பவா்கள் தபால் வாக்கு முறையில் வாக்களிக்கலாம்.
* கொரோனா பரவல் தடுப்பு வழிகாட்டு நெறிமுறைகளுக்கு உட்பட்டே, தேர்தல் பரப்புரைக் கூட்டங்கள், பேரணிகள் ஆகியவற்றுக்கு அனுமதி அளிக்கப்படும். இதனை அந்தந்த மாவட்ட தேர்தல் அதிகாரிகளே முடிவு செய்வார்கள்
என்பன உள்ளிட்ட பல்வேறு வழிகாட்டுதல் நெறிமுறைகளை இந்திய தேர்தல் ஆணையம் வெளியிட்டுள்ளது.
“என்னை இன்னும் குழந்தையாகவே பார்க்கின்றனர்” - பெற்றோர் குறித்து தவான்
"நீதான் என் வாழ்வின் வெளிச்சம்" - மனைவியை வாழ்த்தும் சாந்தணு
Loading More postAdvertisement
வாக்காளர்களுக்கு பணம் கொடுக்கிறார்களா? இதோ இந்த எண்ணிற்கு வாட்ஸ் அப்பில் புகார் அளிக்கலாம்
திமுகவுடனான தொகுதி பங்கீடு பேச்சுவார்த்தை சுமுகமாக முடிந்தது - கே.எஸ்.அழகிரி
பாஜகவுக்கு கன்னியாக்குமரி மக்களவைத் தொகுதி : அதிமுக - பாஜக தொகுதி பங்கீடு நிறைவு?
கலங்க வைக்கும் தேவாவின் கணீர் குரல் - மண்வாசம் வீசும் கர்ணனின் ’பண்டாரத்தி புராணம்’ பாடல்!
வன்னியர்களுக்கு 10.5% உள் இடஒதுக்கீடு வழங்கப்பட்டதற்கு எதிராக உயர்நீதிமன்றத்தில் வழக்கு
Advertisement
அதிமுகவுடன் அதிருப்தி... தேமுதிகவிடம் எஞ்சியிருக்கும் 'வாய்ப்புகள்' என்னென்ன? - ஒரு பார்வை
அதிகரிக்கும் சிலிண்டர் விலை.. சின்ன சின்ன கவனம் போதும்.. கேஸ் மிச்சப்படுத்தும் 11 வழிகள்!
வன்னியர்களுக்கு 10.5% சதவீத இடஒதுக்கீடு : சாத்தியமா, சட்டச்சிக்கல் உள்ளதா? - விரிவான அலசல்
வாழ்வா, சாவா போராட்டத்தில் கம்யூனிஸ்ட், காங்கிரஸ்... எப்படி இருக்கிறது கேரள தேர்தல் களம்?
Advertisement
© Copyright Puthiyathalaimurai 2020. All rights reserved