மீன்பிடிக்க தூண்டிலை பயன்படுத்தும் ’புத்திசாலி’ பறவை - ஆச்சர்யத்தில் ஆழ்த்தும் வீடியோ!

விலங்குகளும் பறவைகளும் மிகவும் புத்திசாலித்தனம் மிக்கவை. அதை உறுதிப்படுத்தும் வகையில் மீனைப் பிடிக்க மனிதர் பயன்படுத்தும் யுக்தியைக் கையாளும் ஒரு பறவையின் வீடியோ இணையத்தில் வைரலாகி வருகிறது.

சை-நேச்சர் ஹப் என்ற ட்விட்டர் கணக்கில் ஒரு வீடியோவைப் பகிர்ந்துள்ளது. அதில் ஒரு வார்த்தையில் கருத்துகளைப் பகிருமாறு பார்வையாளர்களைக் கேட்டுக்கொண்டுள்ளது.

23 விநாடிகள் மட்டுமே வரும் இந்த வீடியோவில், ஒரு பறவை ஏரிக்கரையில் அமர்ந்திருக்கிறது. அது ஒரு சிறிய உணவுத்துகளைத் தண்ணீரில் விடுகிறது. ஒருசில பெரிய மீன்கள் உணவை சாப்பிட நெருங்கும்போது பறவை அதைத் திரும்ப எடுத்துக்கொள்கிறது.

அந்த மீன்கள் போனவுடன், மீண்டும் தூண்டிலை போடுகிறது. ஒரு சிறிய மீன் அதை சாப்பிட வரும்போது, பறவை மீனை கொத்தி வெளியே எடுத்து சாப்பிட ஆரம்பிக்கிறது.

One word this video pic.twitter.com/Ns6X2pnQic

Advertisement

— Sci-Nature Hub (@HubNature) August 19, 2020

இந்த வீடியோ 115.5 ஆயிரம் பேருக்கும் மேலான பார்வையாளர்களைப் பெற்றுள்ளது. நெட்டிசன்களும் இந்த வீடியோவிற்கு, ‘புத்திசாலித்தனம்’, ‘பொறி’, ‘கவர்ந்திழுக்கிறது’, ‘சாமர்த்தியம்’ போன்ற பல வியப்பான கருத்துக்களை பதிவிட்டு வருகின்றனர்.