[X] Close >

வீட்டுக்குள்ளே திருடர்கள்: வெளிப்புறமாக பூட்டு போட்டு போலீசாருக்கு தகவல் சொன்ன நபர்!

Chennai--Two-persons-have-been-arrested-for-breaking-the-lock-of-a-house-in-Chennai-

சென்னையில் நள்ளிரவில் வீட்டிற்குள் நுழைந்து திருடிக் கொண்டிருந்த நபர்களை வெளிப்புறமாக வைத்து பூட்டி போலீசில் பிடித்துக் கொடுத்த நபரை, போலீஸ் உயரதிகாரிகள் பாராட்டினர்.


Advertisement

image
சென்னை அரும்பாக்கம், சக்தி நகர் பகுதியில் உள்ள அடுக்குமாடி குடியிருப்பில் வசித்து வருபவர் கோபாலகிருஷ்ணன். இவர் கடந்த 2 மாதங்களுக்கு முன்பு வீட்டை பூட்டி விட்டு குடும்பத்துடன் கிருஷ்ணகிரிக்கு சென்றுவிட்டார். நேற்று முன்தினம் நள்ளிரவு இவரது வீட்டின் பூட்டை உடைக்கும் சத்தம் கேட்டதையடுத்து மேல்தளத்தில் வசித்து வரும் சுதன்ராஜ் என்பவர் சத்தம் போடாமல் கீழே வந்து பார்த்துள்ளார்.


அப்போது திருடர்கள் 2 பேர் பூட்டை உடைத்து வீட்டிற்குள் சென்றதை கண்டுள்ளார். அதனையடுத்து சாதுர்யமாக செயல்பட்டு, திருடர்கள் இருவரும் வீட்டின் உள்ளே சென்றவுடன் அந்த வீட்டின் கதவை வெளிப்புறமாக தாழ்ப்பாள் போட்டுவிட்டு அரும்பாக்கம் போலீசாருக்கு தகவல் தெரிவித்தார். அரும்பாக்கம் குற்றப்பிரிவு இன்ஸ்பெக்டர் பிரவின் டேனி தலைமையில் போலீசார் அங்கு விரைந்து சென்றனர்.


Advertisement

image
பின்னர் பொதுமக்கள் உதவியுடன் வீட்டிற்குள் இருந்த கொள்ளையர்கள் இரண்டு பேரையும் போலீசார் கைது செய்தனர். விசாரணை நடத்தியதில் அவர்கள் இருவரும் செங்கல்பட்டு வெள்ளம் பகுதியைச் சேர்ந்த முரளி, கவுதம் என்பது தெரியவந்தது.


மேலும் இவர்கள் பல்வேறு குற்றச் சம்பவங்களில் ஈடுபட்டவர்கள் என்பதும் தெரியவந்தது. இருவரையும் கைது செய்த போலீசார் அவரிடம் இருந்து 20 ஆயிரம் மதிப்புள்ள வெள்ளி பொருட்களை பறிமுதல் செய்து இருவரிடமும் தொடர்ந்து விசாரணை நடத்தி வருகின்றனர். கொள்ளை சம்பவத்தில் ஈடுபட்ட நபர்களை வெளிப்புறமாக கதவை பூட்டி பிடிக்க உதவிய சுதன்ராஜை போலீஸ் உயரதிகாரிகள் வெகுவாக பாராட்டினார்கள்.

Advertisement:

Advertisement

Advertisement

Advertisement
[X] Close