இந்தியாவின் முதல் “விவசாய ரயில்” கொடியசைத்து துவக்கி வைத்த மத்திய அமைச்சர்கள்

இந்தியாவின் முதல் “விவசாய ரயில்” இன்றுமுதல் இயக்கப்படுகிறது. இச்சேவை மூலமாக விவசாயிகள் பெருமளவில் பயனடைவார்கள் என்று மத்திய அமைச்சர்கள் கூறியுள்ளனர்.

மத்திய  ரயில்வே அமைச்சர் பியூஷ் கோயல் மற்றும் மத்திய விவசாயத்துறை அமைச்சர் நரேந்திர சிங் தோமர் ஆகியோர் இன்று மகாராஷ்டிராவின் தேவலாலியில் இருந்து பீகாரின் தனபூர் வரை கிசான் ரயில் சேவையை தொடங்கி வைத்தனர்.

காய்கறிகள் மற்றும் பழங்கள் போன்ற அழிந்து போகக்கூடிய விவசாய பொருட்களை கொண்டு செல்ல கிசான் ரயில் உதவும். பதப்படுத்தக்கூடிய கொள்கலன்களைக் கொண்ட இந்த ரயில் பெட்டிகள் மூலமாக மீன், இறைச்சி மற்றும் பால் உள்ளிட்ட அழிந்துபோகக்கூடிய பொருட்களை தடையில்லாமல் கொண்டுசெல்லமுடியும். இது தேசிய அளவில் சிறப்பான விநியோகச் சங்கிலியை உருவாக்கும் என்று எதிர்பார்க்கப்படுகிறது.