தினகரனுக்கு எதிராக பேசுவோரை முதலமைச்சர் எடப்பாடி பழனிசாமி தடுக்க வேண்டும் என்றும் நரசிம்மராவ் போன்று மவுனமாக இருந்தால் வீழ்ச்சி ஏற்படும் எனவும் தினகரன் ஆதரவு எம்எல்ஏ வெற்றிவேல் கூறியுள்ளார்.

சென்னையில் செய்தியாளர்களிடம் பேசிய அவர், மக்களவை துணை சபாநாயகர் தம்பிதுரை மூலமாக பிரதமர் மோடி ஆதரவு கேட்டதாலேயே பாரதிய ஜனதா வேட்பாளருக்கு சசிகலா ஆதரவளித்ததாகவும் தெளிவுபடுத்தியுள்ளார். இதுதொடர்பாக அனைத்து ஆதாரங்களும் தன்னிடம் இருப்பதாகவும் வெற்றிவேல் கூறினார். மத்தியில் நரசிம்மராவ் தலைமையிலான காங்கிரஸ் அரசு வீழ பல்வேறு விவகாரங்களில் அவர் மவுனம் காத்ததே காரணம் என்று கூறிய அவர், தினகரனுக்கு எதிராகப் பேசுவோரை தடுக்காமல் முதலமைச்சர் எடப்பாடி பழனிசாமி அமைதியாக இருந்தால் வீழ்ச்சியே ஏற்படும் என்றும் கூறினார்.