அதிக நேரம் செல்போன் பயன்படுத்துபவரா? உஷாராக இருங்க..!

வீட்டிற்குள்ளேயே இருக்கும் நமக்கு உற்ற தோழனாக விளங்குகிறது செல்போன். அது தோழனா? விரோதியா? என்பது நாம் அதனை எவ்வாறு வைத்து கொள்கிறோம் என்பதில்தான் இருக்கிறது. வகைவகையாய் மாடல் வருகிறது, அந்த வகையில் ஆபத்தும் வருகிறது என்று கூட சொல்லலாம். எந்த ஒரு பொருளையும் எப்படி பயன்படுத்த வேண்டுமோ அவ்வாறு பயன்படுத்தினால் எந்த ஒரு  பிரச்னையும் வராது. சார்ஜ் போட்டுக்கொண்டே செல்போன் பயன்படுத்தி வெடித்து சிதறிய செய்திகளை அடிக்கடி நாம் வாசிக்கிறோம். இது போன்ற சம்பவங்கள் தொடர்ந்து அரங்கேறினாலும் நாம் அதனை செய்தியாக பார்க்கிறோமே தவிர நம் தவறுகளை நிறுத்துவதில்லை.

நினைவில் இருக்கட்டும்

• அதன் கதிர்வீச்சுகளிலிருந்து நம்மை பாதுகாக்க இரவில் படுக்கும்போது அருகாமையில் மொபைல் ஃபோனை வைப்பதை தவிர்க்க வேண்டும். கைக்கு எட்டும் தொலைவில் வைக்கக்கூடாது என்பதே மருத்துவர்களின் அறிவுரை.
• இரவு முழுவதும் சார்ஜ் போடுவது ஆபத்தே. ஒரு அளவிற்கு மேல் சூடாகி வெடிக்கும் வாய்ப்புகளும் உள்ளது.
• இருட்டில் அதிக ஒளியுடன் போனை பார்ப்பது கண்களுக்கு நல்லதல்ல
• அதே போல் தேவையற்ற நேரத்தில் இணையத்தை ஆஃப் செய்வது ரேடியேஷனை தவிர்க்கும்.
• நம்மில் பலர் ஹெட்செட் பயன்படுத்தும் பழக்கமுடையவர்கள். சார்ஜ் போட்டுக்கொண்டே ஹெட்செட் பயன்படுத்துவதை தவிர்த்திடுங்கள். பவர் பேங்க் பயன்படுத்தினாலும் போனை பயன்படுத்துவது உகந்ததில்ல.  
• போன் வாங்கும் போது அந்நிறுவனம் தரும் சார்ஜரையே பயன்படுத்த வேண்டும். மாற்று சார்ஜரை பயன்படுத்தவதையும் தவிர்த்திடுங்கள்.
• விலைக் குறைந்த ஹெட்செட் பயன்படுத்துவது போனுக்கும் நமக்கும் நல்லதில்ல.