போட்டோவுக்கு போஸ் கொடுத்து 200 வருட பழமையான சிலையை உடைத்த சுற்றுலா பயணி!!

ஆஸ்திரியாவில் இருந்து 8 பேர் கொண்ட குழு ஜூலை 31ஆம் தேதி இத்தாலி நாட்டின் ஜிப்சோடெகா அருங்காட்சியகத்திற்கு சுற்றுலா சென்றுள்ளது. அங்கு அன்டோனியா கனோவாவின் பவுலினா போனபார்டே சிலைமீது அமர்ந்து புகைப்படம் எடுக்க தங்கள் குழுவினரிடமிருந்து பிரிந்து ஒருவர் மட்டும் சென்றுள்ளார். அவர் மேலே அமர்ந்து புகைப்படம் எடுத்துவிட்டு கீழே குதித்தபோது சிலையின் கால்விரல்கள் உடைந்துவிட்டது.

உடனே சுற்றுலாப் பயணி யாரிடமும் சொல்லாமல் அங்கிருந்து விரைவாக நகர முற்பட்டார். அறையில் ஒரு அலாரம் அணைந்த பின்னர் ஊழியர்கள் சிலை சேதமடைந்ததைக் கண்டறிந்துள்ளனர். அந்த நபர் தன்னுடன் கொண்டு சென்றிருந்த கொரோனா சோதனை முடிவு அறிக்கையை அருங்காட்சியகத்திலேயே விட்டுச் சென்றிருக்கிறார். அதை வைத்து போலீஸார் அந்த நபரைக் கண்டுபிடித்தனர்.

விசாரித்தபோது அந்த நபர்தான் சிலையை உடைத்ததாக ஒத்துக்கொண்டார். இதுகுறித்து அருங்காட்சியகத்தின் இயக்குநர், சிற்பத்தின் உடைந்த துண்டுகளை கண்டுபிடிக்கும் முயற்சியில் பணியாளர்கள் ஈடுபட்டு வருவதாகவும், அந்த நபருக்கு தக்க தண்டனை கொடுக்கவேண்டும் எனவும் கேட்டுக்கொண்டுள்ளார்.