’வரதட்சணைக்காக என் கணவரே தீ வைத்து கொளுத்தினார்’ காதல் மனைவியின் அதிர்ச்சி வாக்குமூலம்

india-s-first-5g-video-call-demoed-by-ericsson-qualcomm-at-imc

விழுப்புரத்தில் வரதட்சணை கேட்டு காதல் மனைவி மீது கணவரே மண்ணெண்ணெய் ஊற்றி கொளுத்திய சம்பவம் அதிர்ச்சியை ஏற்படுத்தியுள்ளது.


Advertisement

விழுப்புரத்தை அடுத்த வானூர் பரங்கனியை சேர்ந்த ஜீவா என்பவர் நைனார்பாளையத்தை சேர்ந்த ராஜேஸ்வரியை காதலித்து வந்தார். இவர்கள் இருவருக்கும் கடந்த ஜீன் 3ஆம் தேதி திருமணம் நடைபெற்றது. கொண்டார். காதலித்து திருமணம் செய்து கொண்டதால் பெண் வீட்டார் வரதட்சணை எதுவும் கொடுக்கவில்லை எனத் தெரிகிறது. இதையடுத்து காதல் மனைவியிடம் வரதட்சணையாக நகை, பணம் உள்ளிட்டவற்றை வீட்டிற்கு சென்று வாங்கி வருமாறு ஜீவா அடிக்கடி தகாராறு செய்ததாக தெரிகிறது.

image


Advertisement

இந்நிலையில் ஆகஸ்ட் 3ஆம் தேதி இரவு கணவன் - மனைவிக்குள் வரதட்சணை தொடர்பாக சண்டை ஏற்பட்டுள்ளது. இதில் ஆத்திரமடைந்த ஜூவா, மனைவி ராஜேஸ்வரி மீது மண்ணெண்ணெய் ஊற்றி கொளுத்தி விட்டு, மனைவி தன்மீது தீ வைத்துக் கொண்டதாக தெரிவித்துள்ளார். இச்சம்பவம் தொடர்பாக வானூர் போலீசார் வழக்கு பதிவு செய்து விசாரணை நடத்தி வந்தனர்.

விசாரணையில் ராஜேஸ்வரி தனது கணவர் தன்னிடம் அடிக்கடி வரதட்சணை கேட்டு சண்டையிட்டு பெற்றோர்களிடத்தில் நகை வாங்கி வர சொல்லிவந்ததாகவும், கடந்த மூன்றாம் தேதி நடந்த சண்டையில் தன் மீது மண்ணென்னைய் ஊற்றி கொளுத்தியதாகவும் வாக்குமூலம் அளித்தார்.

image


Advertisement

இதுதொடர்பாக வீட்டில் சொன்னால் தனது தந்தை மற்றும் சகோதரனை கொலை செய்துவிடுவேன் என கணவர் மிரட்டியதாகவும் தெரிவித்தார். அவர் வாக்குமூலம் அளித்த வீடியோ வெளியாகி பரபரப்பை ஏற்படுத்தியுள்ளது. இதற்கிடையே ஜீவாவை வானூர் போலீசார் கைது செய்து விசாரணை நடத்தி வருகின்றனர். ஆபத்தான நிலையில் உள்ள ராஜேஸ்வரிக்கு புதுச்சேரி அரசு மருத்துவமனையில் சிகிச்சை அளிக்கப்பட்டு வருகிறது.

ஆர்ச்சர் வந்ததும் விக்கெட் : இங்கிலாந்து - பாகிஸ்தான் முதல் டெஸ்ட் அப்டேட்

loading...

Advertisement

Advertisement

Advertisement