என் மகனுக்கும் கொரோனாவா..! அதிர்ச்சியில் மயங்கி விழுந்து தாய் பரிதாப உயிரிழப்பு

இறந்த பெண்ணின் உடலை காண வேண்டும் என கொரோனா முகாமில் சிகிச்சைப் பெற்று வரும் அவரது கணவரும், மகனும் கண்ணீர் மல்க கோரிக்கை வைத்துள்ளச் சம்பவம் சோகத்தை ஏற்படுத்தியுள்ளது. 

தஞ்சை மாவட்டம் பட்டுக்கோட்டை அருகே உள்ள சூரப்பள்ளம் கிராமத்தைச் சேர்ந்த 45 வயது விவசாயி ஒருவருக்கும் அவரது 12 வயது மகனுக்கும் கொரோனா உறுதிசெய்யப்பட்டது. இந்தச் செய்தியைக் கேட்டு அதிர்ச்சியடைந்த சிறுவனின் தாயார் திடீரென மயங்கி விழுந்தார். இதனை தொடர்ந்து அவர் ஆபாத்தான நிலையில் மருத்துவமனையில் அனுமதிக்கப்பட்டார். ஆனால் அங்கு அவர் சிகிச்சைப்பலன்றி உயிரிழந்தார்.

இந்நிலையில் கொரோனா முகாமில் தங்கவைக்கப்பட்டிருக்கும் விவசாயியும் சிறுவனும் இறந்தப் பெண்ணின் உடலை பார்க்க தங்களை அனுமதிக்க வேண்டும் என்று கோரிக்கை கண்ணீர் மல்க கோரிக்கை வைத்துள்ளனர். முன்னதாக இறந்த பெண்ணின் தாயாரும் கொரோனா தொற்று ஏற்பட்டு சிகிச்சைப் பெற்று வருவது குறிப்பிடத்தக்கது.