சென்னையில் கொரோனா உயிரிழப்பு - 1000-ஐ கடந்ததால் மக்கள் அச்சம்

சென்னையில் கொரோனாவுக்கு உயிரிழந்தவர்களின் எண்ணிக்கை ஆயிரத்தை கடந்துள்ளது.

தமிழகத்தில் கொரோனா பரவலின் ஹாட் ஸ்பாட்டாக சென்னை விளங்குகிறது. குறைந்த பரப்பளவில் அதிக மக்கள் வாழ்ந்து வருவதால் சென்னையில், மற்ற மாவட்டங்களை விட கொரோனா பாதிப்பு அதிக வேகமாக பரவி வருகிறது. அங்கு நாள்தோறும் ஆயிரத்துக்கும் மேற்பட்டோர் கொரோனாவால் பாதிக்கப்பட்டு வருகின்றனர்.

சென்னையில் ஆரம்பத்தில் கொரோனா வேகமாக பரவி வந்தாலும் உயிரிழப்புகள் என்பது பெரிதாக இல்லை. ஆனால் சமீப காலமாக அதற்கும் பெரிய இடத்தை கொடுத்திருக்கிறது சென்னை. ஆம் சென்னையில் கொரோனாவால் உயிரிழந்தவர்களின் எண்ணிக்கை 1000 த்தை தாண்டியிருக்கிறது.

இன்று மட்டும் இதுவரை சென்னையில் கொரோனாவுக்கு 26 பேர் உயிரிழந்துள்ளனர்.

ராஜீவ் காந்தி மருத்துவமனை - 12

கே.எம்.சி மருத்துவமனை -1 ( கோவிட் மற்றும் இணை நோய்கள் )

ஓமந்தூரார் மருத்துவமனை -4

ஸ்டான்லி மருத்துவமனை -6

தனியார் மருத்துவமனைகள் -3

நேற்று மட்டும் தமிழகத்தில் 4329 பேருக்கு கொரோனா உறுதி செய்யப்பட்ட நிலையில், தமிழகத்தில் கொரோனாவால் பாதிக்கப்பட்டவர்களின் எண்ணிக்கையானது 1 லட்சத்தை தாண்டியுள்ளது . சென்னையில் கொரோனாவுக்கு உயிரிழந்தவர்களின் எண்ணிக்கை 1022 ஆக அதிகரித்துள்ளது.