[X] Close

"பாக். கிரிக்கெட் வீரர் என் கழுத்தில் கத்தியை வைத்தார்" - திடுக்கிடும் குற்றச்சாட்டு !

Subscribe
Younis-Khan-once-held-a-knife-to-my-throat-when-I-offered-advice-says-Grant-Flower

பாகிஸ்தான் முன்னாள் கிரிக்கெட் வீரர் யூனிஸ் கான் தன்னுடைய கழுத்தில் கத்தியை வைத்து மிரட்டியதாக அந்த அணியின் முன்னாள் பேட்டிங் பயிற்சியாளர் கிராண்ட் பிளவர் திடுக்கிடும் குற்றச்சாட்டை முன் வைத்துள்ளார்.


Advertisement

ஜிம்பாப்வே கிரிக்கெட் அணியின் முன்னாள் வீரர் கிராண்ட் பிளவர், பாகிஸ்தான் கிரிக்கெட் அணிக்கு பேட்டிங் பயிற்சியாளராக 2014 முதல் 2019 ஆம் ஆண்டு வரை செயல்பட்டார். அப்போது தனக்கு ஏற்பட்டு அனுபவத்தை "கிரிக்கெட் போட்கேஸ்ட்" எனும் நிகழ்ச்சியில் பகிர்ந்துகொண்டார். இப்போது இலங்கை அணியின் பயிற்சியாளராக கிராண்ட் பிளவர் இருந்து வருகிறார்.

image


Advertisement

அந்தப் பேட்டியில் "பாகிஸ்தான் கிரிக்கெட் வீரர் யூனிஸ் கானை சமாளிப்பது மிகவும் கடினம். பிரிஸ்பேனில் ஆஸ்திரேலியாவுடனான டெஸ்ட் போட்டியின் இடைவேளையில் ஒரு சம்பவம் நடந்தது. அப்போது நான் அவருக்கு பேட்டிங் குறித்து சில ஆலோசனைகளை வழங்கிக் கொண்டிருந்தேன். அப்போது ஆத்திரமடைந்த அவர் கத்தியை எடுத்து என் கழுத்தில் வைத்துவிட்டார். அப்போது பதறிய மற்றவர்கள் யூனிஸ் கானை சமாதானப்படுத்தினார்கள்" என்றார்.

image

மேலும் தொடர்ந்த கிராண்ட் பிளவர் "பேட்டிங் பயிற்சியாளராக இருந்தது சுவாரஸ்யமாகவே இருந்தது. அது ஒரு கடினமான பயணம்தான். இப்போதும் கிரிக்கெட்டின் நுணக்கங்களை நான் கற்றுக்கொண்டுதான் இருக்கிறேன். இன்னமும் நிறைய இருக்கிறது. ஆனால் இப்போது நான் இருக்கும் நிலை எனக்கு மகிழ்ச்சியே அளிக்கிறது" என்றார்.


Advertisement
Follow @ Google News: கூகுள் செய்திகள் பக்கத்தில் புதிய தலைமுறை இணையதளத்தை இங்கே கிளிக் செய்து ஃபாலோ செய்க
முக்கியச் செய்திகளை உடனுக்குடன் அறிய, நேர்த்தியான வாசிப்பு அனுபவம் பெற புதிய தலைமுறை ஆப் டவுன்லோடு செய்க >
Advertisement:

Advertisement

Advertisement

Advertisement
[X] Close