“கடவுள் உங்களிடம் இருந்து ஒருவரை.... “ - சுஷாந்த் முன்னாள் காதலி நெகிழ்ச்சிப்பதிவு

சுஷாந்த் சிங் ராஜ்புத் உடன் 6 வருடங்கள் காதலில் இருந்து பின்பு பிரிந்த அவரது முன்னாள் காதலியின் இன்ஸ்டாகிராம் ஸ்டேட்டஸ் தற்போது இணையத்தில் வைரலாகி வருகிறது.

எம்.எஸ் தோனி படம் மூலம் பிரபலமடைந்த சுஷாந்த் சிங் நேற்று மும்பையில் உள்ள அவரது இல்லத்தில் தூக்கிட்டுத் தற்கொலை செய்து கொண்டதாக தகவல் வெளியானது. இதனை கேட்ட பிரதமர் உட்பட பல தலைவர்களும், பல திரைப் பிரபலங்கள் அவரது மறைவிற்கு தங்களது ஆழ்ந்த இரங்கலை தெரிவித்தனர். இந்நிலையில் சுஷாந்த் சிங் ராஜ்புத்துடன் 2016 ஆம் ஆண்டுக்கு முன்னர் கிட்டத்தட்ட ஆறு வருடங்கள் சுஷாந்துடன் காதலில் இருந்த நடிகை அங்கிதா லோகண்டே அவரது இன்ஸ்டாகிராம் ஸ்டேட்டஸ் பக்கத்தில் ஒரு பதிவை பதிவிட்டார். அதில் “ கடவுளானவர் உங்களது வாழ்க்கையில் இருந்து சில மனிதர்களை நீக்குகிறார் என்றால், அவர் உங்களுடன் நடத்தாத உரையாடலை கடவுள் கேட்டிருக்கிறார்” என்று குறிப்பிடப்பட்டிருந்தது. சரியாக 4.30 மணியளவில் இதனைப் பதிவையிட்ட அவர் 6 மணி அளவில் அதை நீக்கினார்.

@MumbaiPolice
Just after the news came of death, this story was being posted by Ankita Lokhande (Sushant's ex Girlfriend) on Instagram.
Isn't this questionable?
This screen shot was taken by me around 4.15pm today and at 6pm around this story was deleted!#sushantsinghrajpoot pic.twitter.com/kM0lnLx8ZJ

Advertisement

— Saad Inshrah (@Saad_Inshrah) June 14, 2020

சுஷாந்த் சிங் ராஜ்புத்தும் அங்கிதாவும் “ பவித்ரா ரிஷ்டா” என்ற தொலைக்காட்சித் தொடரில் ஒன்றாக சேர்ந்து நடித்தனர். கிட்டத்தட்ட ஆறு வருடங்கள் காதலில் இருந்த இவர்கள் கடந்த 2016 ஆம் ஆண்டு பிரிந்தனர். அப்போது சுஷாந்திற்கு அங்கிதா ட்விட்டரில் ஒரு பதிவை இட்டார். அதில் “ நீ தனியாக இருப்பதாக நினைக்க வேண்டிய அவசியமில்லை. நான் உன் இதயத்திலும் உனது வாழ்க்கையிலும் இருக்கிறேன்” என்று அதில் குறிப்பிட்டு இருந்தார்.

கடந்த சில நாட்களுக்கு முன்னர்தான் விக்கி ஜெய்ன் என்பவருடன் அங்கிதாவுக்கு நிச்சயதார்த்தம் நடந்ததாக சொல்லப்பட்டது. இது தொடர்பாக அங்கிதாவும் தனது சமூக வலைதளங்களில் ஒரு மோதிர புகைப்படத்தை பதிவிட்டார். ஆனால் இந்த செய்தியை இருவரும் உறுதிப்படுத்தவில்லை என்பது குறிப்பிடத்தக்கது.