[X] Close >

பீர் தர மறுப்பு ! நண்பன் குத்திக்கொலை

Man-refuses-to-share-beer-with-friend--stabbed-to-death

மும்பையில் பீர் தர மறுத்ததற்காக நண்பனை கொலை செய்தவரை போலீசார் கைது செய்துள்ளனர்.


Advertisement

மும்பை ஜோகேஷ்வரி பகுதியைச் சேர்ந்தவர் அஜய் டிராவிட்(29). இவரும் இவரது சகோதரன் விஜயும் பீர் ஆர்டர் செய்து குடித்துள்ளனர். அப்போது இருவருக்கும் நண்பரான அதேப்பகுதியைச் சேர்ந்த சோனு என்ற சண்முக ராஜேந்திரன் என்பவர் அவர்களிடம் பீர் கேட்டுள்ளார்.

குறைவான அளவு மட்டுமே இருப்பதாக கூறி அஜய் பீர் தர மறுத்துள்ளார். இதனால் இருவருக்கும் இடையே வாக்குவாதம் ஆகியுள்ளது. இதைப்பார்த்த அஜய்யின் சகோதரர் இருவரையும் விலக்க முற்பட்டுள்ளார். இதில் ஆத்திரமடைந்த சண்முக ராஜேந்திரன் அங்கிருந்த ஐஸ் எடுக்க பயன்படும் முள்போன்ற கத்தியை எடுத்து இருவரையும் குத்தினார். இதில் இருவரும் படுகாயம் அடைந்தனர்.


Advertisement

Man stabs friend to death for refusing to share beer

அலறல் சத்தம் கேட்டு மற்ற நண்பர்கள் ஓடிவருவதை கண்ட சோனு அங்கிருந்து தப்பித்து ஓடினார். இதையடுத்து படுகாயமடைந்த சகோதரர்கள் இருவரும் சிகிச்சைக்காக மருத்துவமனையில் சேர்க்கப்பட்டனர். ஆனால் சிகிச்சைப்பலனின்றி அஜய் மருத்துவமனையில் உயிரிழந்தார். விஜய் சிகிச்சை பெற்று வருகிறார்.

இதுகுறித்து போலீசாருக்கு தகவல் தெரிவிக்கப்பட்டது. தகவலறிந்த போலீசார் இதுகுறித்து வழக்குப்பதிவு செய்து சம்பவம் நடந்த சில மணி நேரங்களில் சோனுவை கைது செய்தனர். அவர்மேல் இந்தியன் பீனல் கோட் கொலை , கொலைமுயற்சி ஆகிய பிரிவுகளின் கீழ் வழக்குப்பதிவு செய்யப்பட்டுள்ளது.


Advertisement
Advertisement:

Advertisement

Advertisement

Advertisement
[X] Close