வேளாண்துறை கட்டமைப்புக்கு 1 லட்சம் கோடி ஒதுக்கீடு : நிர்மலா சீதாராமன்

விவசாயப் பொருட்களை விளம்பரப்படுத்த ரூ.10 ஆயிரம் கோடி ஒதுக்கீடு செய்யப்படும் என மத்திய நிதியமைச்சர் நிர்மலா சீதாராமன் அறிவித்தார்.

இந்தியாவில் கொரோனா பொது முடக்கத்தில் முடங்கிய பொருளாதாரத்தை மீட்கப் பிரதமர் மோடி ரூ.20 லட்சம் கோடிக்கு நிவாரண திட்டங்கள் அறிவிக்கப்படும் என்றார். அதற்கான திட்டங்களை மூன்றாவது நாளாக இன்று நிர்மலா சீதாராமன் அறிவித்து வருகிறார். இன்றைய தினத்தில் விவசாயம், கால்நடை, மீன்வளம், பால்வளம் உள்ளிட்ட துறைகளுக்கான திட்டங்கள் இன்று அறிவிக்கப்படுவதாக அவர் தெரிவித்துள்ளார்.

வேளாண் உட்கட்டமைப்பு திட்டங்களுக்கு 1 லட்சம் கோடி ஒதுக்கீடு செய்யப்பட்டுள்ளதாகக் கூறினார். தமிழகத்தில் விளைவிக்கப்படும் மரவள்ளிக்கிழங்குகள் போன்றவற்றைச் சர்வதேச அளவில் கொண்டு செல்ல நடவடிக்கை எடுக்கப்படும் என்றார்.

விவசாயப் பொருட்களைச் சர்வதேச அளவில் விளம்பரப்படுத்த ரூ.10 ஆயிரம் கோடி செலவிடப்படும் எனக் கூறினார். அந்த நிதி மூலம் சிறு, குறு தானியங்கள் மற்றும் ஆர்கானிக் பொருட்கள் விளம்பரப்படுத்தப்படும் என்றார்.

மீன்வளத்துறையை மேம்படுத்துவதற்காக ரூ.20 ஆயிரம் கோடி ஒதுக்கீடு செய்யப்படுவதாகக் குறிப்பிட்டார். மீன்பிடிப் படகுகள் மற்றும் மீனவர்களுக்குக் காப்பீடு வழங்கப்படும் எனத் தெரிவித்தார். மேலும், கொள்முதல், குளிர்பதனக் கிடங்கை மேம்படுத்த ரூ.1 லட்சம் கோடி ஒதுக்கப்படும் எனவும் அறிவித்தார்.

“வயது சிறிது ஆனாலும் மூளை பெரிது” - இயக்குநர் மறைவு பற்றி ஜி.வி.பிரகாஷ் இரங்கல்