தெலங்கானா டூ ஜார்க்கண்ட்: தொழிலாளர்களை ஏற்றிச் சென்ற சிறப்பு ரயில்

பொது முடக்கத்தால் தெலங்கானாவில் சிக்கியிருந்த தொழிலாளர்களை ஏற்றிக்கொண்டு சிறப்பு ரயில் ஒன்று ஜார்க்கண்ட் மாநிலத்திற்கு புறப்பட்டுச் சென்றது.

கொரோனா பரவலை தடுப்பதற்காக அமல்படுத்தப்பட்ட பொதுமுடக்கம் காரணமாக புலம் பெயர்ந்து வாழ்ந்து வந்த தொழிலாளர்கள் அந்தந்த மாநிலங்களில் சிக்கிக் கொண்டனர். வருமானம் ஏதும் இல்லாததால் அவர்கள் தங்களை சொந்த ஊருக்கு அனுப்ப நடவடிக்கை எடுக்க வேண்டும் என தொடர்ந்து கோரிக்கை வைத்து வருகின்ற‌னர்.

மகாராஷ்டிராவில் சட்ட மேலவைக்கு தேர்தல்.. உத்தவ் தாக்கரேவின் முதல்வர் பதவி தப்புகிறது?

இந்நிலையில், தெலங்கானாவில் சிக்கி‌யிருந்த ஜார்க்கண்ட் மாநில தொழிலாளர்கள் ஆயிரத்து 200 பேர் சிறப்பு ரயில் மூலம் சொந்த ஊருக்கு‌ புறப்பட்டனர். 24 பெட்டிகளை கொண்ட ரயில் தெலங்கானாவின் லிங்கம்பள்ளி என்ற பகுதியிலிருந்து ஜார்க்கண்டின் ஹாதியா பகுதிக்கு இயக்கப்படுகிறது. தெலங்கானா மாநிலம் கோரிக்கை விடுத்ததை அடுத்து, ரயில்வே அமைச்சகத்தின் ஒப்புதலின் ‌பேரின் சிறப்பு ரயில் இயக்கப்படுவதாக ரயில்வே நிர்வாகம் தரப்பில் தெரிவிக்கப்பட்டுள்ளது.

ரயில் புறப்படும் மாநிலமும், சென்றடையும் மாநிலமும் கோரிக்கை விடுத்து அதனை ரயில்வே அமைச்சகம் ஏற்றுக்கொள்ளும் பட்சத்தில் இத்தகையை சேவை தொடர்ந்து வழங்கப்படும் என ரயில்வே நிர்வாகம் கூறியுள்ளது.