எம்எல்ஏக்கள் கூட்டத்தால் நேர்ந்த சிக்கல் ! தனிமைப்படுத்திக்கொண்ட குஜராத் முதல்வர் !

Web Team

15,Apr 2020 10:21 AM

india-s-first-5g-video-call-demoed-by-ericsson-qualcomm-at-imc

குஜராத் முதல்வர் விஜய் ரூபானியை சந்தித்த எம்எல்ஏவுக்கு கொரோனா தொற்று உறுதி செய்யப்பட்டதையடுத்து அவர் தன்னைத்தானே தனிமைப்படுத்திக்கொண்டார்.

குஜராத்தில் கொரோனா வைரஸ் தடுப்பு நடவடிக்கைகள் குறித்து முதல்வர் விஜய் ரூபானி தலைமையில் நேற்று உயர்மட்ட ஆலோசனைக் கூட்டம் நடைபெற்றது. காந்தி நகரில் உள்ள முதல்வரின் இல்லத்தில் நடைபெற்ற இந்தக் கூட்டத்தில் மாநில துணை முதல்வர் நிதின் பட்டேல், மாநில உள்துறை அமைச்சர் பிரதீப்சின் ஜடேஜா மற்றும் காங்கிரஸ் எம்.எல்.ஏ.க்கள் சிலரும் கலந்துக்கொண்டனர்.

இந்நிலையில், உயர்மட்டக் கூட்டத்தில் பங்கேற்ற ஹாடியா-ஜமால்பூர் தொகுதி காங்கிரஸ் எம்.எல்.ஏ. இம்ரான் கிடவாலாவுக்கு நேற்று மாலை கொரோனா வைரஸ் தொற்று இருப்பது உறுதி செய்யப்பட்டது. இதையடுத்து அவர் சிகிச்சைக்காக மருத்துவமனையில் அனுமதிக்கப்பட்டுள்ளார். இதனால் முதல்வர் தலைமையிலான கூட்டத்தில் பங்கேற்ற மற்றவர்களுக்கும் கொரோனா பரவியிருக்கலாம் என அச்சம் ஏற்பட்டுள்ளது.

இந்நிலையில், முன்னெச்சரிக்கை நடவடிக்கையாக அம்மாநில முதல்வர் விஜய் ரூபானி தன்னை தனிமைப்படுத்திக் கொண்டுள்ளார். எம்எல்ஏ இம்ரானுக்கு கொரோனா தொற்று உறுதி செய்யப்பட்டதும், முதல்வர் விஜய் ரூபானிக்கு கொரோனா பரிசோதனை நடத்தப்பட்டது. இதில் அவருக்கு கொரோனா தொற்று இல்லை என்பது தெரியவந்தது. இருப்பினும் முன்னெச்சரிக்கை நடவடிக்கையாக அவரை தனிமைப்படுத்திக்கொண்டதாக அரசுத் தரப்பில் தெரிவிக்கப்பட்டுள்ளது.

ஈரோடு: கொரோனாவால் பாதித்த 13 பேர் குணமடைந்து வீடு திரும்பினர்

சின்ன பட்ஜெட் படங்களுக்கு கைகொடுக்கும் OTT...!

Related Tags : Coronavirus News Live, Coronavirus India Updates, coronavirus india latest news, Coronavirus in Tamil Nadu, Coronavirus in Kerala, Coronavirus In India, Coronavirus In Delhi, Coronavirus in Bangalore, Coronavirus cases in India, coronavirus, symptoms of coronavirus , who, Coronavirus latest News, Coronavirus symptoms Videos, Coronavirus Photos, Coronavirus Images, Coronavirus Articles , world health organization , coronavirus disease, கொரோனா வைரஸ், coronavirus update, coronavirus latest update, china virus, virus china, corona virus china, சீனா கொரோனா வைரஸ், சீனா வைரஸ் , coronavirus news, coronavirus cases in mumbai, coronavirus mumbai, coronavirus navi mumbai, mumbai news, Gujarat CM, Vijay Rupani, Isolate, குஜராத் முதல்வர், விஜய் ருபானி, தனிமை,