5 கிலோ எடை கொண்ட எரிவாயு சிலிண்டர் உபயோகிப்பவர்களுக்கு 8 சிலிண்டர் இலவசம்?

ஐந்து கிலோ எடை கொண்ட சமையல் எரிவாயு உபயோகிப்போர், 8 சிலிண்டர்களை இலவசமாக பெற்றுக் கொள்ளலாம் எனத் தகவல்கள் வெளியாகியுள்ளன.

கொரோனா முன்னெச்சரிக்கை நடவடிக்கையாக, நாட்டில் உள்ள சுமார் 8 கோடி ஏழை, எளிய மக்கள் பயனடையும் வகையில், பிரதமரின் திட்டத்தின் கீழ் 3 மாதத்திற்கு இலவச எரிவாயு சிலிண்டர் வழங்கப்படும் என மத்திய அரசு அறிவித்து இருந்தது.

திருச்சியில் ஒரு வயது குழந்தைக்கு கொரோனா!

பொதுவாக வீடுகளில் 14.2 கிலோ எடை கொண்ட சமையல் எரிவாயு சிலிண்டர் பயன்படுத்தப்படுகிறது. பிரதமரின் இலவச எரிவாயு இணைப்பு பெற்ற குடும்பங்கள் 5 கிலோ எடை கொண்ட சமையல் எரிவாயு சிலிண்டரையே பயன்படுத்தி வருகின்றனர்.

செவிலியரை செருப்பால் அடிக்க முயன்ற தொழிலதிபர்? வழக்குப்பதிவு செய்ய மறுக்கும் காவல்துறை?

இதனால் இலவச சமையல் எரிவாயு பெறுவதில் குழப்பம் இருந்தது. இந்நிலையில், ஏப்ரல், மே மற்றும் ஜூன் மாதங்களில், 14.2 கிலோ எடை சிலிண்டரை பயன்படுத்துவோர் 3 சிலிண்டர்களையும், 5 கிலோ எடை கொண்ட சிலிண்டரை பயன்படுத்துவோர் 8 சிலிண்டர்களையும் இலவசமாக பெறலாம் என மத்திய எண்ணெய் அமைச்சக செய்தி தொடர்பாக தெரிவித்துள்ளதாக தகவல்கள் வெளியாகியுள்ளன.