திருச்சி: கொரோனா பரவலைத் தடுக்க ஏதுவாக ரோபோக்கள் வடிவமைப்பு

Web Team

29,Mar 2020 08:07 AM

Robot---private-enterprise-engineer-invention-to-prevent-corona-spread-in-Trichy

திருச்சியில் கொரோனா வைரஸ் பரவுவதைத் தடுக்கும் வகையில் பொறியாளர்கள் ரோபோக்களை வடிவமைத்துள்ளனர்.

பிராபலர் எனப்படும் தனியார் நிறுவனம் ‘ஷாபி மெடி’ எனும் ரோபோ ஒன்றை வடிவமைத்துள்ளது. முன்னதாக இந்த ரோபோக்கள் பள்ளிகளில் மாணவர்களுக்கு பாடம் நடத்துவதற்காக தயார் செய்யப்பட்டது. ஆனால் கொரோனா வைரஸ் பாதிப்பு தமிழகத்தில் தீவிரமானதையடுத்து, தற்போது இந்த ரோபோக்கள் கொரோனா தொற்று பாதிப்புள்ளவர்களுக்கு உணவு மற்றும் மருந்து பொருட்கள் கொண்டு செல்ல ஏதும் வகையில் வடிவமைக்கப்பட்டுள்ளது.

கன்னியாகுமரியில் உயிரிழந்த 3 பேருக்கும் கொரோனா தொற்று இல்லை - சுகாதாரத்துறை

இது குறித்து பொறியாளர் குரு கூறும்போது “ இந்த ரோபோக்களின் மூலம் மனிதர்கள் நோயாளிகளை நேரடியாக தொடர்பு கொள்வது தடுக்கப்படும். ஏன் என்றால் நோயாளிகளிடம் இருந்து 400 மீட்டர் தொலைவில் இருந்து கொண்டு, இந்த ரோபோக்களை இயக்க முடியும். தனிமைப்படுத்தப்பட்ட வீடுகளில் உள்ளவர்களுக்கு தேவையான காய்கறிகள் மருந்து பொருட்கள் உள்ளிட்டவற்றை கொண்டு செல்வதற்கு என பிரத்யேகமாக வடிவமைக்கப்பட்டுள்ளது. இந்த ரோபோ கிட்டத்தட்ட இருபது கிலோ வரை பொருட்களை சுமந்து செல்லும்.

“ ஊரடங்கிற்காக என்னை மன்னித்து விடுங்கள்; வேறு வழியில்லை”- பிரதமர் மோடி

இதனால் காவல்துறையினர் தனிமைப்படுத்தப்பட்ட வீடுகளுக்கு சென்று தேவையான பொருட்களை வழங்கும் நிலையை நம்மால் தவிர்க்க முடியும். இந்த ரோபோக்களில் நோயாளியின் முழு விவரங்களையும் பதிவேற்றம் செய்து வைக்கவும் முடியும்” என்றார்