இத்தாலியில் கொரோனாவிலிருந்து மீண்ட 101 வயது முதியவர்!!

இத்தாலியில் கொரோனா தொற்றுக்கு ஆளான 101 வயது முதியவர் முழுமையாக குணமடைந்து நம்பிக்கையை ஏற்படுத்தியுள்ளார்.

 சீனாவில் இருந்து பரவத்தொடங்கிய கொரோனா இன்று உலக நாடுகளை அச்சுறுத்தி வருகிறது. உலக அளவில் இதுவரை 597,256 பேர் பாதிக்கப்பட்டுள்ளனர். 133,363 பேர் குணமடைந்துள்ள நிலையில் 27,365 பேர் உயிரிழந்துள்ளனர். இந்நிலையில், இத்தாலி நாட்டில் கொரோனா தொற்றுக்கு ஆளான 101 வயது முதியவர் முழுமையாக குணமடைந்து நம்பிக்கையை ஏற்படுத்தியுள்ளார்.

 இத்தாலியின் கடலோர பகுதியான ரிமினியை சேர்ந்த முதியவருக்கு கொரோனா வைரஸ் தொற்று இருப்பது உறுதி செய்யப்பட்டது. உடனடியாக அவர், ஓஸ்பெடேல் நகரிலுள்ள மருத்துவமனையில் அனுமதிக்கப்பட்டு சிகிச்சை பெற்றுவந்தார். தொடர் சிகிச்சையால் தற்போது அந்த முதியவர் முழுமையாக குணமடைந்துள்ளார்.

குணமடைந்த அவரை அவரது குடும்பத்தினர் வீட்டிற்கு அழைத்து சென்றுவிட்டனர். இத்தாலியில் கொரோனா வைரஸால் இதுவரை 8 ஆயிரத்து 200க்கும் மேற்பட்டோர் உயிரிழந்திருக்கும் நிலையில், கொரோனாவால் பாதிக்கப்பட்டு மீண்ட இந்த 101 வயது முதியவர் மற்றவர்களுக்கும் நம்பிக்கையை ஏற்படுத்தியுள்ளார்.

இந்தியாவில் கொரோனா வைரஸின் படம் முதல் முறையாக வெளியீடு..!