எந்நேரமும் பிரசவம் நிகழக்கூடும்: கண்காணிப்பில் கர்ப்பிணிகள், தயார் நிலையில் 108 !

எப்போது வேண்டுமானாலும் பிரசவம் நிகழக்கூடும் என்ற நிலையில் உள்ள 1482 கர்ப்பிணிகள் தொடர் தீவிர கண்காணிப்பில் உள்ளதாக திருச்சி மாவட்ட சுகாதாரத் துறை அதிகாரிகள் தெரிவித்துள்ளனர்

197 நாடுகளுக்கு பரவிய கொரோனாவால் உலகளவில் பாதிக்கப்பட்டோரின் எண்ணிக்கை 4,21,413ஆக அதிகரித்துள்ளது. 4 லட்சம் பேர் பாதிக்கப்பட்டுள்ள நிலையில் 4ல் ஒரு பங்காக 1,08, 388 பேர் சிகிச்சை பெற்று குணமடைந்துள்ளனர். இந்தியாவில் கொரோனாவால் உயிரிழந்தோர் எண்ணிக்கை 10 ஆக இருந்தது.

இதற்கிடையே நேற்று நள்ளிரவு தமிழகத்தில் ஒருவர் கொரோனாவுக்கு உயிரிழந்தார். நேற்று மக்களிடையே உரையாற்றிய பிரதமர் மோடி, 21 நாட்களுக்கு இந்தியா முழுவதும் ஊரடங்கு பிறப்பித்து உத்தரவிட்டார். நேற்று நள்ளிரவு முதல் ஊரடங்கு அமலுக்கு வந்தது. இதனால் அத்தியாவசிய தேவையின்றி யாரும் வெளியே நடமாட முடியாத சூழ்நிலை நிலவி வருகிறது.

இந்நிலையில் எப்போது வேண்டுமானாலும் பிரசவம் நிகழக்கூடும் என்ற நிலையில் உள்ள 1482 கர்ப்பிணிகள் தொடர் தீவிர கண்காணிப்பில் உள்ளதாக திருச்சி மாவட்ட சுகாதாரத் துறை அதிகாரிகள் தெரிவித்துள்ளனர். இது குறித்து தெரிவித்துள்ள அவர்கள்,

கர்ப்பிணிகளை அழைத்து வர 108 ஆம்புலன்ஸ் தயார் நிலையில் உள்ளது. பிரசவ வலி ஏற்படும் பெண்களை கொரோனா வார்டு அமைந்துள்ள மருத்துவமனைகளில் சேர்க்காமல் நகர் நல மையங்கள், அரசு ஆரம்ப சுகாதார நிலையங்கள் மற்றும் இதர மருத்துவமனைகளில் சேர்த்து சிகிச்சை அளிக்கப்படும் என தெரிவித்துள்ளனர்

சென்னையில் அத்தியாவசிய பணியாளர்களுக்காக 200 பேருந்துகள் இயக்கம்