"உங்கள் வழி தனி வழி" - ரஜினியின் டிஸ்கவரி சேனல் நிகழ்ச்சிக்கு குவிந்த பாராட்டுக்கள்..!

Kamal-Haasan-and-these-two-actors-wished-Rajinikanth-for-his-first-television-appearance

நடிகர் ரஜினிகாந்த் முதன்முதலாக சின்னத்திரை நிகழ்ச்சியில் கலந்து கொண்டிருப்பது குறித்து நடிகர் கமல்ஹாசன் வாழ்த்துக் கூறியுள்ளார்.


Advertisement

கொரோனா வைரஸின் அச்சுறுத்தலால் உலகம் மனிதர்களை ஆட்டிப்படைத்து வருகிறது. ஆனால் அந்த அச்சகாலத்தில்தான் நடிகர் ரஜினிகாந்த் முதன்முதலாக தனது தொலைக்காட்சி நிகழ்ச்சியில் அறிமுகமாகியுள்ளார். நேற்று அவர் டிஸ்கவரி சேனலில் வெளியான நிகழ்ச்சியின் மூலம் அவரது ரசிகர்களுக்கு புதிய உற்சாகத்தை ஏற்படுத்தித் தந்துள்ளார். ரஜினியை சின்னத்திரையில் கண்ட அவரது ரசிகர்கள் சமூக ஊடகங்களில் பல்வேறு ஹேஷ்டேக்குகளை போட்டுக் கொண்டாடினர்.

image


Advertisement

கடந்த ஒரு மாதத்திற்கு முன்பு டிஸ்கவரி தொலைக்காட்சி தொகுப்பாளர் பியர் கிரில்ஸுடன் ஒரு ரியாலிட்டி ஷோ படப்பிடிப்பு ரஜினி கலந்து கொண்டார். அதற்காக அவர் விமானம் மூலம் போய்ச் சேர்ந்தார். அதனையடுத்து நிகழ்ச்சி படமாக்கப்பட்டது, அதன் பின்னர், இந்த நிகழ்ச்சி எப்போது வெளியாகும் என்ற எதிர்பார்ப்பு நிலவியது. அந்த ஆர்வத்திற்கு உரிய உற்சாகத்தை வெளியான நிகழ்ச்சி தந்தது.

இந்நிலையில், ரஜினிகாந்தின் முதல் தொலைக்காட்சி நிகழ்ச்சிக் குறித்து அவரது ஆத்ம நண்பர் கமல்ஹாசன் கருத்து தெரிவித்துள்ளார். கமலை தவிர்த்து மற்ற இரண்டு நடிகர்களும் ரஜினிகாந்த்திற்கு வாழ்த்து தெரிவித்துள்ளனர்.

ஒப்பற்ற பாடகர் டி.எம்.சௌந்தரராஜன் பிறந்த தினம் இன்று...!


Advertisement

நேற்று ஒளிபரப்பப்பட்ட ரஜினிகாந்தின் டிஸ்கவரி நிகழ்ச்சியின் இடையே, அவரது நெருங்கிய நண்பரும் நடிகருமான கமல்ஹாசன் வாழ்த்து தெரிவிக்கும் வீடியோ ஒன்று திரையிடப்பட்டது. ரஜினி, தைரியமாகக் காட்டுக்குள் நுழைந்ததற்கு அவர் வாழ்த்து கூறினார். நடிகர் மாதவன்கூட மற்றொரு வீடியோவில் 'இறைவன் எப்போதும் அவரது பக்கத்தில் இருப்பதால் எந்த ஆபத்தும் எந்தத் தீங்கும் அவரை ஒன்றும் செய்ய முடியாது’ என்று ரஜினியை வாழ்த்தினார்.

image

ரஜினிகாந்துடன் '2.0' படத்தில் இணைந்து நடித்த பாலிவுட் நடிகர் அக்‌ஷய் குமாரும் வீடியோவில் தோன்றி வாழ்த்தைப் பதிவு செய்தார். அப்போது "பயமின்றி உங்கள் பயணத்தைத் தொடங்குங்கள்" என்றும் "உங்கள் வழி தனி வழி" என பஞ்ச் அடித்தார். தனது 70 வயதிற்குப் பிறகு ரஜினிகாந்த் ஹாலிவுட் தரத்திலான ஒரு தொலைக்காட்சி நிகழ்ச்சி ஒன்றில் முதன்முதலாக பங்கேற்று இருப்பது பலரையும் வியக்க வைத்துள்ளது. மேலும் இந்த வயதில் அவர் மேற்கொண்டுள்ள சாகசத்தைப் பலரும் பாராட்டி வருகின்றனர் என்பது குறிப்பிடத்தக்கது. 

Advertisement:

Advertisement

Advertisement

Advertisement