கொரோனா அச்சத்தில் மூலிகை மருந்து சாப்பிட்ட குடும்பம் : பரிதாப நிலையில் சிகிச்சை..!

Corona-Virus-Impact---Self-treatment-went-wrong-in-Madurai

மதுரையில் கொரோனா காய்ச்சல் என அஞ்சி மூலிகை மருந்து சாப்பிட்ட குடும்பம் பரிதாப நிலையில் சிகிச்சை பெற்று வருகிறது.

மதுரை மாவட்டம் உசிலம்பட்டி அருகேயுள்ள குன்னுத்துப்பட்டியைச் சேர்ந்த தம்பதியினர் முத்துக்கருப்பன் - கவிதா. இவர்களின் மகன் திராவிட செல்வம் என்பவருக்கு காய்ச்சல் ஏற்பட்டதாக கூறப்படுகிறது. கொரோனா வைரஸ் பரவி வருவதால் அதன் தாக்கத்தால் காய்ச்சல் ஏற்பட்டிருக்கும் என எண்ணிய முத்துக்கருப்பன், வீட்டில் இருந்த மூலிகை மருந்தை திராவிட செல்வத்திற்கு கொடுத்ததாக தெரிகிறது.


Advertisement

image

மேலும் குடும்பத்தில் இருக்கும் மற்றவர்களுக்கும் காய்ச்சல் பரவக்கூடாது என எண்ணி மனைவி கவிதா, மகன்கள் பெரியார் செல்வம் மற்றும் விஷ்வா ஆகியோரையும் மூலிகை மருந்தை உட்கொள்ள செய்துள்ளார். மூலிகை மருந்தை உட்கொண்ட நான்கு பேருக்கும் சிறிது நேரத்திலேயே வாந்தி, மயக்கம் ஏற்பட்டதாக கூறப்படுகிறது, இதில் பதற்றமடைந்த முத்துக்கருப்பன், நான்கு பேரையும் உசிலம்பட்டி அரசு மருத்துவமனைக்கு கொண்டு சென்றுள்ளார்.


Advertisement

image

அங்கு மருத்துவர்கள் தீவிர சிகிச்சை அளித்து, மேல் சிகிச்சைக்காக மதுரை ராஜாஜி மருத்துவமனைக்கு ஆம்புலென்ஸ் மூலம் அனுப்பி வைத்துள்ளனர். கொரோனா வைரஸ் பயத்தால் போதிய விழிப்புணர்வு இன்றி முத்துக்கருப்பன் மேற்கொண்ட செயலில் தற்போது அவர் குடும்பம் சோகத்தில் மூழ்கியுள்ளது. இதுபோன்ற செயல்களில் யாரும் ஈடுபட வேண்டாம் என மருத்துவர்கள் சார்பில் கேட்டுக்கொள்ளப்பட்டுள்ளது.

கொரோனாவால் சென்செக்ஸ் 4000 புள்ளிகள் வீழ்ச்சி : இந்திய பங்கு சந்தைகள் வரலாறு காணாத சரிவு

Advertisement:

Advertisement

Advertisement

Advertisement