கொரோனா... பிரபஞ்சம் தற்போது அதிகமாக உச்சரிக்கும் வார்த்தை. கண்ணுக்கே தெரியாமல், அனைவரது கண்களிலும் அச்சத்தை ஏற்படுத்தி வருகிறது இந்த கொரோனா. சீனாவுக்கு அடுத்தப்படியாக இத்தாலியை வெகுவாக உலுக்கி வருகிறது. நேற்று ஒரே நாளில் மட்டும் அந்நாட்டில் 475 பேர் உயிரிழந்துள்ளனர். கொரோனா பரவியதில் இருந்து இந்த அளவுக்கு ஒரே நாளில் இத்தனை உயிர்களை பலி கொண்டதில்லை என்கின்றனர் மருத்துவ ஆய்வாளர்கள். இதன் மூலம் இத்தாலியில் உயிரிழந்தோர் எண்ணிக்கை 2,978 ஆக அதிகரித்துள்ளது. சுமார் 35 ஆயிரத்திற்கும் மேற்பட்டோர் கொரோனாவால் அங்கு பாதிக்கப்பட்டுள்ளனர்.
கொரோனா பாதிப்பை பரிசோதிக்க அனுமதி கோரும் தனியார் நிறுவனங்கள்
இத்தாலியை தொடர்ந்து தற்போது பிரிட்டனையும் கொரோனா வெகுவாக அச்சுறுத்தி வருகிறது. அங்கு உயிரிழப்பு நூறை கடந்து சென்றுவிட்டதால், வைரஸ் பரவலை தடுப்பதற்கான நடவடிக்கைகளை மிகத் தீவிரமாக முடுக்கிவிட்டிருக்கிறது பிரிட்டன் அரசு. பொதுமக்கள் அதிகம் கூடுவதை தவிர்க்கும் வகையில் பள்ளிகளுக்கு விடுமுறை அறிவித்திருக்கிறார் பிரிட்டன் பிரதமர் போரிஸ் ஜான்சன். எனினும், திட்டமிட்டபடி மே மாதத்தில் பள்ளிகளுக்கான தேர்வுகள் நடைபெறும் என அவர் அறிவித்துள்ளார்.
பிரான்ஸில் கடந்த 24 மணி நேரத்தில் கொரோனா வைரஸ் தாக்குதலுக்கு புதிதாக 89 பேர் உயிரிழந்துள்ளனர். இதன் மூலம் அந்நாட்டில் ஒட்டுமொத்தமாக உயிரிழந்தோர் எண்ணிக்கை 264-ஐ கடந்துள்ளது. கொரோனாவின் தாக்குதல் மிக மோசமானதாக இருப்பதால், அதை தடுப்பதற்கான நடவடிக்கைகளை போர்கால அடிப்படையில் முடுக்கிவிட்டிருப்பதாக அந்நாட்டின் சுகாதாரதுறை தெரிவித்துள்ளது.
''எங்களுக்காக வீட்டிற்குள்ளேயே இருங்கள்'' - கொரோனாவைத் தடுக்க மணற்சிற்பம் சொல்லும் செய்தி
இஸ்ரேலில் 400-க்கும் மேற்பட்டோர் கொரோனாவால் பாதிக்கப்பட்டிருப்பதால், வெளிநாட்டினர் வருவதற்கு அங்கு முழுமையான தடை விதிக்கப்பட்டுள்ளது. ஆப்பிரிக்காவிலும் கொரோனாவின் தாக்கம் தென்பட தொடங்கியிருப்பதால், இனியும் தடுப்பு நடவடிக்கைகளை எடுக்காமல் இருப்பது சரியாக இருக்காது என அந்நாட்டிற்கு உலக சுகாதார அமைப்பு எச்சரிக்கை விடுத்துள்ளது. ஜெனீவாவில் செய்தியாளர்களை சந்தித்த உலக சுகாதார அமைப்பின் தலைவர் டெட்ரோஸ், கொரோனா குறித்து ஆப்பிரிக்கா விழித்துக் கொள்ள வேண்டும் என தெரிவித்திருக்கிறார்.
Loading More post
அதிமுக-பாஜக தொகுதி பங்கீடு பற்றிய முழுத் தகவல் 2 நாட்களில் தெரியவரும் - எல்.முருகன்
திமுக - ஐயூஎம்எல், மமக கட்சிகள் இடையே கையெழுத்தானது தொகுதி பங்கீடு ஒப்பந்தம்
துணை முதல்வர் ஓபிஎஸ்-ஐ சந்திக்க நேரம் கேட்ட தேமுதிக!
கன்னியாகுமரியில் ராகுலின் படகு சவாரிக்கு தேர்தல் ஆணையம் கட்டுப்பாடு!
மீண்டும் ஒடுக்கப்படும் ஆங் சாங் சூச்சி: மியான்மர் போராட்டக் களத்தில் பதற்றம் அதிகரிப்பு
அதிமுகவுடன் அதிருப்தி... தேமுதிகவிடம் எஞ்சியிருக்கும் 'வாய்ப்புகள்' என்னென்ன? - ஒரு பார்வை
அதிகரிக்கும் சிலிண்டர் விலை.. சின்ன சின்ன கவனம் போதும்.. கேஸ் மிச்சப்படுத்தும் 11 வழிகள்!
வன்னியர்களுக்கு 10.5% சதவீத இடஒதுக்கீடு : சாத்தியமா, சட்டச்சிக்கல் உள்ளதா? - விரிவான அலசல்
வாழ்வா, சாவா போராட்டத்தில் கம்யூனிஸ்ட், காங்கிரஸ்... எப்படி இருக்கிறது கேரள தேர்தல் களம்?