‘கொரோனா போர் - பொறுப்பான குடிமக்களே அரசின் பலம்’ - பிரதமர் மோடி

மக்களின் ஆரோக்கியத்தை உறுதிப்படுத்த எல்லா வழிகளிலும் நடவடிக்கைகள் மேற்கொள்ளப்படும் என பிரதமர் நரேந்திர மோடி உறுதி தெரிவித்துள்ளார்.

கொரோனா வைரஸ் தாக்குதலை முறியடிக்க ஒருங்கிணைந்த முயற்சிகள் அவசியம் என டுவிட்டரில் பிரதமர் மோடி பதிவிட்டுள்ளார். கொரோனாவை கட்டுப்படுத்தும் மாபெரும் பணியில் ஈடுபட்டுள்ள மருத்துவர்கள், செவிலியர் மற்றும் பிற மருத்துவப் பணியாளர்களின் சேவையை நாடு என்றும் நினைவில் கொள்ளும் என்றும் மோடி கூறியிருக்கிறார்.

அவசியமற்ற பயணங்களையும் பொது வெளியில் தேவையின்றி கூடுவதையும் தவிர்க்க வேண்டும் என்று பொதுமக்களை பிரதமர் கேட்டுக் கொண்டுள்ளார். பொறுப்புள்ள குடிமக்கள்தான் கொரோனாவிற்கு எதிரான போராட்டத்தில் அரசுக்கு மிகப்பெரிய பலம் என்றும் அவர் குறிப்பிட்டுள்ளார்.

இதற்கிடையே இந்தியாவில் கொரோனா வைரஸால் பாதிக்கப்பட்டோர் எண்ணிக்கை 110ஐ கடந்துள்ளது. இந்தியாவில் 14 மாநிலங்களில் கொரொனா தொற்று பரவியுள்ளது. மகாராஷ்டிராவில் அதிகபட்சமாக 32 பேரும், கேரளாவில் 22 பேரும், உத்திரப்பிரதேசத்தில் 17 பேரும் கொரோனா வைரஸால் பாதிக்கப்பட்டு சிகிச்சை பெற்று வருகின்றனர். ஹரியானாவில் 14 பேரும் டெல்லியில் 7 பேரும், கொரோனா தொற்றால் பாதிக்கப்பட்டுள்ளனர். கர்நாடகாவில் 6 பேருக்கும், ராஜஸ்தானில் நால்வருக்கும் கொரோனா தொற்று இருப்பது உறுதி செய்யப்பட்டுள்ளது.

கொரோனா அச்சம்: தென்னந்தோப்பில் லேப்டாப்புடன் வேலை செய்யும் ஐடி ஊழியர்கள்..!