வழிப்போக்கருக்கு கத்திக்குத்து; ரோட்டில் நாட்டு வெடிகுண்டு - போதை ஆசாமிகளின் அராஜகம்

சென்னையில் வழிப்போக்கரை கத்தியால் குத்திவிட்டு சாலையில் வெடிகுண்டு வீசிய போதை ஆசாமிகளை போலீசார் தேடி வருகின்றனர்.

சென்னை பல்லாவரம் அடுத்த பொழிச்சலூர் ராதாகிருஷ்ணன் சாலை, வஞ்ரவேலு தெரு அருகே 5 பேர் நள்ளிரவில் மது அருந்திக்
கொண்டிருந்துள்ளனர். அப்போது அவர்களுக்குள் ஏற்பட்ட தகராறில் சிலர் அங்கிருந்து இருசக்கர வாகனத்தில் புறப்பட்டுள்ளனர். அப்போது எதிரே வந்த நபர் ஒருவரை அவர்கள் கத்தியால் குத்தியுள்ளனர். இதைப்பார்த்த பொதுமக்கள் அவர்களை பிடிக்க முயன்றனர்.

மைதானத்திற்கு வெளியே ஜாலியாக ஆட்டம் போட்ட தாய்லாந்து கிரிக்கெட் வீராங்கனைகள்..!

அப்போது அவர்கள் நாட்டு வெடிகுண்டை சாலையில் வீசி விட்டு அங்கிருந்து தப்பிச் சென்றனர். இதையடுத்து கத்திக்குத்தால் பாதிக்கப்பட்ட நபர் சிகிச்சைக்காக மருத்துவமனையில் சேர்க்கப்பட்டார். தகவலறிந்து சென்ற போலீசார் இதுகுறித்து வழக்குப்பதிவு செய்து விசாரணை மேற்கொண்டனர்.

விசாரணையில், கத்தியால் குத்தப்பட்ட நபர் பொழிச்சலூரை சேர்ந்த சதீஷ்குமார்(37) என்பது தெரியவந்தது. மேலும், இச்சம்பவம் தொடர்பாக சூர்யா(21) என்பவரை பிடித்து போலீசார் விசாரித்து வருகின்றனர். மேலும் சிலரை தேடி வருகின்றனர்.

உங்கள் சைக்கிளை மெட்ரோ ரயிலில் கொண்டுச் செல்லலாம் - சென்னை மெட்ரோவின் அசத்தல் அறிவிப்பு

பரங்கிமலை காவல் மாவட்டத்திற்குட்பட்ட காவல் நிலைய எல்லைகளில் தொடர்ந்து நாட்டு வெடிகுண்டு கலாசாரம் தலை தூக்கியுள்ளது. கடந்த 3 மாதங்களில் மட்டும் 3 நாட்டு வெடிகுண்டுகள் வீசப்பட்ட சம்பவம் அரங்கேறியுள்ளது. இதில் சேலையூரில் நடந்த சம்பவத்திற்கு இதுவரை வழக்கு கூட பதிவாகவில்லை எனக் கூறப்படுகிறது.