“மகன் கொடுமை தாங்கமுடியவில்லை.. எங்களை கருணை கொலை செய்துவிடுங்கள்” - வயதான பெற்றோர் மனு

மகனின் கொடுமை தாங்காமல், கருணை கொலை செய்ய வேண்டி வயதான பெற்றோர் மாவட்ட ஆட்சியரிடம் மனு அளித்த சம்பவம் அதிர்ச்சியை ஏற்படுத்தியுள்ளது.

திருப்பூர் ராயர்பாளையம் பகுதியை சேர்ந்தவர் சென்னியப்பன்(85). இவரது மனைவி கருணையம்மாள்(65). இவர்களுக்கு பழனிச்சாமி என்ற மகனும், கண்ணம்மாள் என்ற மகளும் உள்ளனர். இவர்களுக்கு திருமணமாகிவிட்டது.

ரயில்கள், ரயில் நிலையங்களில் 165 பாலியல் வன்கொடுமைகள்.. அதிர்ச்சி தகவல்..!

இந்நிலையில் வயதான தம்பதி இருவரும் இன்று மாவட்ட ஆட்சியர் அலுவலகத்தில் மனு ஒன்றை அளித்தனர். அதில், தங்களது மகன் பழனிசாமி தங்களின் சொத்தை ஏமாற்றி பிடிங்கி கொண்டு தங்களை கொடுமைப்படுத்தி வருவதாக குற்றம் சாட்டியுள்ளனர்.

உடலில் காயங்கள் இருந்ததால் சந்தேகம்..! புதைக்கப்பட்ட சடலத்தை தோண்டி பிரேத பரிசோதனை

இது குறித்து அவர்கள் கூறுகையில், “மகன் பழனிச்சாமி, எங்களது சொத்துக்களை ஏமாற்றி பிடுங்கி கொண்டு கடந்த10 ஆண்டுகாலமாக எங்கள் இருவரையும் கொடுமை படுத்தி வருகிறார். இது குறித்து பல்லடம் காவல் நிலையத்தில் புகார் அளித்துள்ளோம். ஆனாலும், நடவடிக்கை எடுக்கவில்லை. மாவட்ட ஆட்சியர் அலுவலகத்தில் பல முறை மனு கொடுத்தும் எங்களுக்கு விடிவு கிடைக்கவில்லை. எங்கள் வீட்டில் மின்சாரத்தை துண்டித்து வைத்துள்ளார். குடிநீர் பிடிக்க விடுவதில்லை. நாங்கள் வாழவே வழி இல்லாமல் தத்தளித்து வருகிறோம். எனவே எங்களுக்கு உரிய நீதி கிடைக்க வேண்டும். இல்லாவிடில் கருணை கொலை செய்ய மாவட்ட நிர்வாகம் அனுமதிக்க வேண்டும்” எனத் தெரிவித்தனர்.