ராமேஸ்வரம் மீனவர்கள் வேலைநிறுத்தம்: 4 கோடி வர்த்தகம் பாதிப்பு

ராமேஸ்வரம் விசைப்படகு மீனவர்களின் வேலைநிறுத்த போராட்டத்தால் சுமார் 4கோடி ரூபாய் வருவாய் இழப்பு ஏற்பட்டுள்ளதாக கூறப்படுகிறது.

கடந்த சில நாட்களுக்கு முன் இலங்கை கடற்படையினர் துப்பாக்கிச்சூடு நடத்தியதில் ஜேசு என்ற மீனவரின் கண் பாதிப்படைந்துள்ளதாக கூறி ராமேஸ்வரம் மீனவர்கள் வேலை நிறுத்தத்தில் ஈடுபட்டுள்ளனர். பாதிக்கப்பட்டவருக்கு இழப்பீடு‌ வழங்க வேண்டும், தடை செய்யப்பட்ட வலைகளை பயன்படுத்துவோர் மீது நடவடிக்கை எடுக்க வேண்டும் உள்ளிட்ட 4 அம்ச கோரிக்கைகளை மீனவர்கள் முன்வைத்துள்ளனர்.

மேலும், தமிழக மீனவர்கள் சந்தித்து வரும் எல்லை பிரச்னைக்கு நிரந்தர தீர்வுக்காண நடவடிக்கை எடுக்கவும் வலியுறுத்தப்பட்டுள்ளது. 800க்கும் அதிகமான விசைப்படகுகள் கடலுக்கு செல்லாததால் ஒரு லட்சத்திற்கும் அதிகமான மீனவர்கள் வேலையிழந்துள்ளனர்.