புதிய தலைமுறை எதிரொலி: மதுபோதையிலிருந்த தலைமையாசிரியர் சஸ்பெண்ட்

புதிய தலைமுறை செய்தி எதிரொலியாக, மதுபோதையில் பள்ளிக்கு வந்த தலைமை ஆசிரியர் சஸ்பெண்ட் செய்யப்பட்டதற்கு, கிராம மக்கள் நன்றி தெரிவித்துள்ளனர்.

மதுரை மாவட்டம் மேலூர் கொட்டாம்பட்டி அருகே வலைச்சேரிப்பட்டியில் உள்ள ஊராட்சி ஒன்றிய துவக்கப்பள்ளியில், 23 மாணவ, மாணவிகள் கல்வி பயின்று வருகின்றனர். இந்தப் பள்ளியின் தலைமையாசிரியர் சரவணன் பள்ளிக்கு மதுபோதையில் வந்தது குறித்து புதியதலைமுறை செய்தி ஒளிபரப்பியதுடன், இதுகுறித்து மாவட்ட கல்வி அலுவலர் மற்றும் மாவட்ட முதன்மை கல்வி அலுவலர் கவனத்திற்கு கொண்டு செல்லப்பட்டது.

இதனைத்தொடர்ந்து வட்டாரக் கல்வி அலுவலர் முத்துக்குமரன் பள்ளியில் விசாரணை மேற்கொண்டதைத் தொடர்ந்து. பள்ளியின் தலைமையாசிரியர் சரவணன் சஸ்பெண்ட் செய்யப்பட்டார்.

இதனையடுத்து இதுகுறித்து செய்தி வெளியிட்டு உரிய நடவடிக்கை எடுத்த புதியதலைமுறைக்கும், மாவட்ட கல்வி அதிகாரிக்கும் நன்றி தெரிவித்து கிராம மக்கள் சார்பில் சுவரொட்டி ஒட்டப்பட்டுள்ளது.