எளிமைப்படுத்தப்பட்ட ஜிஎஸ்டி நடைமுறை ஏப்ரலில் அறிமுகம்: நிர்மலா சீதாராமன்

கடந்த 6 ஆண்டுகளில் நாட்டின் கடன் ஜிடிபி 52 சதவீதத்தில் இருந்து 48 சதவீதமாகக் குறைந்துள்ளது என பட்ஜெட் உரையின்போது மத்திய நிதியமைச்சர் நிர்மலா சீதாராமன் தெரிவித்துள்ளார்.

மத்திய நிதியமைச்சர் நிர்மலா சீதாராமன் மத்திய பட்ஜெட்டை தாக்கல் செய்து உரையாற்றி வருகிறார். இந்த உரையின் சுவாரஸ்யமாக அவர் பட்ஜெட் உரையில் காஷ்மீரி மொழியில் பேசினார். மேலும் கவிதை ஒன்றையும் அவர் வாசித்தார். விவசாயிகள் வருமானத்தை இரட்டிப்பாக்கும் நடவடிக்கையில் மத்திய அரசு தீவிரமாக உள்ளது எனக் குறிப்பிட்ட அவர் ஜிஎஸ்டி அறிமுகப்படுத்தப்பட்ட பிறகு 4 சதவீதம் சேமிப்பு அதிகரித்துள்ளது என்றார். மேலும் மொத்தம் 40 கோடி வர்த்தகர்கள் ஜிஎஸ்டியில் பதிவு செய்துள்ளனர் என்றும் தெரிவித்தார்.

எளிமைப்படுத்தப்பட்ட ஜிஎஸ்டி நடைமுறை ஏப்ரல் 2020 முதல் அறிமுகப்படுத்தப்படும் என்று கூறிய நிதியமைச்சர் நிர்மலா சீதாராமன், கடந்த 6 ஆண்டுகளில் நாட்டின் கடன் ஜிடிபி 52 சதவீதத்தில் இருந்து 48 சதவீதமாகக் குறைந்துள்ளது என்றும் கூறினார்.