[X] Close >

3ம் வகுப்பு மாணவி பாலியல் வன்கொடுமை செய்யப்பட்டு கொலை - சிவகாசி அருகே பயங்கரம்..!

3rd-std-class-student-raped-and-killed-in-sivakasi

சிவகாசி அருகே 8 வயது சிறுமி பாலியல் வன்கொடுமை செய்து கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.


Advertisement

சிவகாசி அருகேயுள்ள கொங்களாபுரம் பகுதியைச் சேர்ந்தவர் சுந்தரம். இவரது மகள் பிரித்திகா(8) அதே பகுதியில் உள்ள தொடக்கப் பள்ளியில் மூன்றாம் வகுப்பு படித்து வந்தார்.

நேற்று வழக்கம்போல் பள்ளி முடிந்து மாலை வீடு திரும்பிய சிறுமி, சற்று நேரத்திற்கு பின் வெளியே சென்றுள்ளார். வெளியே சென்ற குழந்தை நீண்ட நேரமாகியும் வீட்டிற்கு வரவில்லை. இதனால் அச்சமடைந்த பெற்றோர் அக்கம் பக்கத்தில் தேடியும் சிறுமி கிடைக்கவில்லை. இதையடுத்து சிறுமியின் தந்தை சுந்தரம் மாரனேரி காவல் நிலையத்தில் புகார் அளித்தார்.


Advertisement

image

இதுகுறித்து வழக்குப்பதிவு செய்து காவல்துறையினர் விசாரணை நடத்தி வந்தனர். இந்நிலையில் காலையில் முட்புதர்களுக்கு நடுவே சிறுமி ஒருவர் ஆடைகள் கிழிக்கப்பட்டு இறந்த நிலையில் கிடப்பதை அப்பகுதியில் சென்றவர்கள் பார்த்துள்ளனர். இதையடுத்து அவர்கள் போலீசாருக்கு தகவல் தெரிவித்தனர்.

தகவலறிந்து வந்த போலீசார் சிறுமியின் உடலை கைப்பற்றி பிரேத பரிசோதனைக்காக சிவகாசி அரசு மருத்துவமனைக்கு அனுப்பி வைத்தனர். மேலும் விசாரணையில் கொலைசெய்யப்பட்ட சிறுமி காணாமல் போன சிறுமி பிரித்திகா என்பது தெரியவந்தது. இதுகுறித்து போலீசார் வழக்குப்பதிவு செய்து விசாரித்து வருகின்றனர்.


Advertisement
Advertisement:

Advertisement

Advertisement

Advertisement
[X] Close